Ermiyaas 4:1 - NABUWWA KEE MALIKWA

¹ YALLI siinik iyyaamah, «Israayil maraw, yol taduureenim faxxeenik, yol uduura. Anu faxe waa duyyey isinni gabak bicisseenihiyya taqbudeenim cabaay; yi qibaadal digga axcuk,

Ermiyaas 4:1 Referans Kwoze

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Yacedkel 43:9

Taway, too yok sa yaqbuden duyyey yallah loonuhiyyah aban qibaada kee isinni malikwah lafa, a aracak wonnah yok beyoonay. Tah abeenik, ken addal gaceyyooh, way keenik mabaxsima» iyye.

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

2 Aydaad 33:8

Yalli Dawud kee Suleemanak iyyemii, «Israayil mari inkih Muusay yi naqasuh yanih gabat keenih ruube amri oggoleenih too xinto intam abeenik, ken kaxxa abbobtih ecee baaxok ken mayyaaqa» 'yaanam iyye.

2 Aydaad 15:8

Aasa a nabi edde yaabe yab yoobbe waqdi, niya kaat gacteeh; tonna-leemiik Efrayim rasuk qaleela le aracal tan magaalooliy qeebit yibbixe kee, Yuuda kee Benyam rasul sugga 'te duyyeeyay gabak bicissa heenih aqbuduk sugeenihiyya wonnah baaxot qide. Sarrak YALLIH Qibaadah-Qarih daaratal suge mansafay YALLIH sadgatah saqa elle asguuduk sugeenihiyya yuqusbuuse.

2 Malikwa 23:24

Kaxxa seekih yen Cilkiyya YALLIH Qibaadah-Qaril gee kitaabal yan yab abinal akah asa'nnah, Yoosiyaahu Yuudâ-baaxo kee Yarusalaam addal sugga 'te ginnilitteey kalluwalleey faal-abeenit kee, buxah addat aqbuduk sugen duyye kee, wohuk kalah tan duyyey yaqbudeenihiyya kee, umâ-yabuli enni intaamak tu macabinnay inkih kale.

2 Malikwa 23:13

Tonnah kaadu, Malik-Suleeman duma Yarusalaam magaalak ayrô-mawqal, Umaane-le-qale deqsitta qalek gabbi-qaxat raqta'kkel, ableh-uma duyyeeyah-qibaadah, axcihiiy, Sayda-marak-say-yallay Qastarot deqsitta kee, Mooyab-marih-yallay Kamos deqsita kee, Qammon-marih-yallay Milkom akak iyyaanah qibaadah heeh suge mansafitte foyya abe.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Yacedkel 18:13

abuuduh yecee lakqo gacsan waqdi ossotina edde faxek, ta num maay waarelee? Mawaara. Ta axxul le uma taamat aseemih sabbatah rabele. Too rabi usuk isih isil baahe raba deqsita.

Yacedkel 11:18

Taduuroonu waytan saaku, taaxige gabat bicsen duyyey yaqbudeenihiyya baysetton.

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 15:4

Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yoosuwa 24:14

Yoosuwa qagseh keenik iyyemii, «Hay, taway, YALLAK meysitaay imaan kaal hayya haay, isinni afqadook kay qibaadat gaca. Sin kaxxa abbobti Furaat weeqaytuk woo qaxa kee Masril, Yallih aftok aqbuduk sugte duyyeeya maqbudinay, wonnah baaxot qida. Dibuk YALLA uqbuda.

Ermiyaas 7:3

«Too waqdi farmoh keenik intaamah, YALLAY Nabaamak Nabah, Israayil doore Dagelta kinnihiyya siinik iyyaamah, ‹Edde tanin gita caba. Abtan taamak raaqa. Tonnal, elle tanin baaxol tanoonay sin axceyyo.

Ermiyaas 7:5

YALLI iyyemii, «Edde tanin gitak nummah katteeniih, abtan taamak nummah raqteeniih, gitah titta lih taamita mara nummah tekkeeniih,

Ermiyaas 7:7

tonnal sin kaxxa abbobtih kulli waqdi ikoytah ecee baaxol elle aadettoonuuh, sin akak taysaarrem matana» iyye.

Ermiyaas 15:19

Too waqdi YALLI yol gacsemii, «Yol tuduurek, koo gacseyyooh, uxih inni naqasu koo abeyyo. Maqna sinni yaabat yaabe waytaah, sinaamah tuxxiq le farmo warissek, uxih yi nabiy akah sugteh koo gacseyyo. Ellecabol sinam elle tamaate numuy sinam fanah gexe waahiyya koo abeyyo.

Ermiyaas 18:11

Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.

2 Aydaad 34:33

Malik Yoosiyaahu Israayil mari bicseh suge xeet kee cooxuk bicsen duyyey ableh umahiyya ken rasul bayseh. Isih addunyal suggu 'yem fanah ummatak, «YALLA uqbuda» axcukuuy, ken kaxxa abbobti doore Dageltah fan ken gacse.