Ermiyaas 39:3 - NABUWWA KEE MALIKWA

³ Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Ermiyaas 39:3 Referans Kwoze

Ermiyaas 38:17

Toh yoobbe waqdi, Ermiyaas kaak iyyeemih, «YALLAY, Nabaamak Naba Dageltay Israayil doore kinnuk, kok iyyem ah teeti. ‹Baabelon-qaskarih-abbobtil gaba teceek, rooci kok cattiimeleeh, a magaala kaadu girak cattiimele. Koo kee ku buxah marak inkih rooci cattiimele.

Ermiyaas 21:4

YALLAY Israayil doore Dagelta kinnihiyya iyyamaa, ‹Ama ku qaskaray magaalak irol Baabelon-malikit qeebi abtahiyya qeebil gacsiiseyyo. Baabelon-malikih-qaskar ku qaskarak qeebih aysiiseyyo. Ku qaskar keenik kudeleeh; ken silaac magaalâ gudel gaaboyselon.

Ermiyaas 39:13

Too waqdi kay qaskar abba Nabudardan kee, Nabusadban deqsita numuy kay gubal qaskar abbah yenehiyya kee, Nergal-Sarexer deqsita numuy doolatat kaxxa arac luk yenehiyya kee, kaadu wohuk kalah tan doolat abbobti tikka 'yeenih,

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

2 Malikwa 17:30

Baabeloonuk yemeete mari Sukkot-Banot akak iyyaanamay yallah loonu elle yaqbudoonu waan arac heen. Kuutuk yemeete mari Nergal akak iyyan duyyey yallah loonuh ceelo haysite. Camatak yemeete mari Asiima akak iyyan duyyey yallah loonuh ceelo haysiten.

Yacedkel 26:10

Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.