Ermiyaas 39:2 - NABUWWA KEE MALIKWA

² Xidkiya malik edde yekke taban kee inikhaytô sanatak fereyhaytoh alsak sagalhaytoh ayro, magaalat maroh ten gasoosa yiggileenih.

Ermiyaas 39:2 Referans Kwoze

Xafanya 1:10

YALLI kaadu qagseh iyyeemih, «Too ayro Yarusalaam magaalak Kullum Afa deqsita aracal weeqa marih anay aabbetton. Yarusalaam magaalak qusbih bicsen aroocal boogisa marih anay aabbetton. Qarway taddigilleh anay Yarusalaam koomah amok aabbetton.

Yacedkel 33:21

Seewah nee edde been taban kee nammahaytô sanatak tabanhaytoh alsak konoyhaytoh ayro, Yarusalaamak yoowweh yemeete num yol yemeeteeh, «Yarusalaam makko tekkeh» 'yaanam iyye.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Ermiyaas 1:3

kaadu Yoosiyaahu baxi Yahoyaakim malik edde yekke saakuk xabba haanamaay, Yoosiyaahû-Xidkiya malik edde yekke saakuk taban kee inikhaytoh sanat tikka 'yam fanah, YALLI mango adda isi qangara kaal oobisak suge. Too sanatak konoyhaytoh alsat Yarusalaam-magaalal suggu 'ye mara seewah marin baaxo fan been.

Ermiyaas 32:1

Xidkiya Yuudâ-malik edde yekke tabanhaytô-sanatat nan saaku, YALLI Ermiyaasal qangara oobise. Toh kaadu Malik Nabkadnessar Baabelon malik edde yekke taban kee bacarhaytô sanatak ten.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 37:8

Tohuk wadir Baabelon qaskar wadir aduureleeh ama magaalat qeebi abeleeh, tet abbixele. Tibbixek wadir gira teetit ruubelon› kok iyye kaak inxic.

Yacedkel 4:3

Birtak bicsen buuti bahha haay is kee magaalak fanal gidaar innah soolis. Too waqdi magaala fanah ufkun. Tama magaalat maro heeloonu'mmay, ceelallo akak takkem koo. Taham Israayil marah asta akkele.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.