Ermiyaas 38:2 - NABUWWA KEE MALIKWA

² Ermiyaas iyyeemih, «A magaalal suginnaan num carbit-rabiiy qululuh-rabiiy, hinnay kaadu, dalkah-rabi akkele. Wonna hinna'mmay, Baabelon-mara fan gexxa 'yeh gaba keenil yacee num waddiimele.

Ermiyaas 38:2 Referans Kwoze

Ermiyaas 39:18

Amaanah koo raaqiseyyooh; koo maqidan. Yoo taamineemih sabbatah amaanah asillimetto. Tahat yabtam yoo YALLA› 'yaanam kaak inxic» kaak iyyeh yen.

Ermiyaas 45:5

Hay, rooci lem inkih digaalu waa saaku, koh rikeek abu waam mayyu'mmay, faxe ikke gexxa way, gexinnaan baaxol kot rooci yasallamay axceyyo. Tonni faxeemi'mmay, kaxxa numuy migaq-gexxo le yoo ablele 'yaanamah yot maqaagin› 'yaanam kok iyye» kaak iyye.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Ermiyaas 42:17

Yi yab cinna heeh, Masrik manaadiya iyyu waa maral, carbi kee qulul kee bala keenil ruubeyyooh edde selliimelon; num keenik maraaqa› siinik iyya.

Yacedkel 7:15

«Giti addal tanim carbiiy; buxah addal tanim dalka kee qululu. Baaxok yawaqu waa num carbit rabele. Buxah addal sugu waa num, dalka kee qulul gadda akkele.

Yacedkel 6:11

YALLAY Mulki lehiyya yok iyyeemih, «Israayil marah gamoomitaay keenih qaad. Israayil mari abe umaaneh kaxxa boogeh boogis. Carbi kee qulul kee dalkah ambaxelon.

Ermiyaas 44:13

Yarusalaamal suge mara carbi kee qulul kee dalkat akah sele'nnah, a saaku Masril yan Yuudâ-mara too digaalah digaaleyyo.

Ermiyaas 42:22

A yab cinteenik, siinit takku waytam siinih warisu waa. Taway gexxaanam faxxan baaxol, qulul kee carbi kee dalkah ambaxettoonum siinih warsa» keenik iyye.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 27:13

Is kee isi mara carbi kee qulul kee dalkat maselin. Baabelon-malikih yab cinu waa mara carbi kee qulul kee dalkat seleyyo, 'yaanam YALLI dumaak iyyek, is kee isi mara maselsiisin.

Ermiyaas 24:8

Takkay immay Yuudah yooboke Xidkiya deqsita malik kee, kay gubal tan xintoh abbobti kee, Yarusalaam magaalah maray garab akkel akak raaqeeh garab Masri fanah akak gexehiyyak axcem liyo. Too mara tama sublâ-xayloy toomehiyyah innah ken heeyyo. Tahat yabtam yoo YALLA.

Ermiyaas 21:4

YALLAY Israayil doore Dagelta kinnihiyya iyyamaa, ‹Ama ku qaskaray magaalak irol Baabelon-malikit qeebi abtahiyya qeebil gacsiiseyyo. Baabelon-malikih-qaskar ku qaskarak qeebih aysiiseyyo. Ku qaskar keenik kudeleeh; ken silaac magaalâ gudel gaaboyselon.

Ermiyaas 27:11

Takkay immay faxe baaxoh mari, Baabelon malik keenil yabbixe *madmad cine waanaah usuk keenik aba iyyam abeenik, tonnal isinni baaxol elle yanoonay ken axceyyo. Isi buqre yabqureeh isi baaxol yan mara ken abeyyo. Baaxok ken masgayya. Tahamat yabtam yoo YALLA› keenik inxic» yok iyye.

Ermiyaas 29:16

« ‹Dawuduk raaqe dardaarinnal a saaku malikih yan num kee, a magaalah addal yan sin maray seewah bee weeniih akkel elle raqtehiyyah tiyat sin lih yaabu waa.