Ermiyaas 36:14 - NABUWWA KEE MALIKWA

¹⁴ Tohuk lakal doolatak saqoltih yen mari, Natanyâ-Yahuudi deqsita numuy Selemya deqsita numuk baxi baxak yeneeh Kuusi deqsita numuk kaadu baxi-baxih baxak yenehiyya, Baaruk fan ruuben. Iyyeenimih, «Atu Baaruk fan gexay, ‹Ama ummatah tikriye warkat luk nee fan am› kaak inxic» kaak iyyen. Too num gexeeh Baaruk baaheh; Baaruk too warkat gabat luk keenil yemeete.

Ermiyaas 36:14 Referans Kwoze

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Xafanya 1:1

YALLI Xafanya deqsita nabil ruube farmo ah teeti. A farmo YALLAK obtem, waktik Amon-Yoosiyaahu deqsita num Yuudâ-marih amoytah yen saakuk ten. Xafanyak kaxxa abba Ciskiyyaahu deqsita malikik ten. Ciskiyyaahu Amarya xaleeh, Amarya, Gedalya xale. Gedalya kaadu Kuusi xale; Kuusi, Xafanya xale. Xafanyak nasab toh elle yani inna.

Ermiyaas 41:16

Sarrak Yocanan kee qaskar abbobtih yen mari, Ismaaqil Gedalya qidek lakal, Mixfâ-magaalak seewah beeh suge qaskar kee urru kee agabu kee seelabu luk yen marih agantah, gaabossa heenih, Gibqoonuk

Ermiyaas 40:8

Too waqdi Natanyáh-Ismaaqil kee, Kareyyac-xayloh nammayay migaaqah Yocanan kee Yonaatan deqsitahiyyaay, Tancumét-Seraaya kee, Natoofâ-rasul yooboke Qefay deqsita numih xaylo kee, Maqkâ-rasul yooboke Yaadanya deqsita num, wakalih isinni mara hayya heenih Gedalya fan yemeeten. Gedalya too saaku Mixfa deqsita aracal yeneeh; tokke kaal yemeeten.

Ermiyaas 36:21

Sarrak malik woo warkat baaha'gidih Yahuudi farmoh ruube. Yahuudi gexxa 'yeh woo xambaqen-warkat Alisamaq-qarik baaheeh, sarrak malikik foocal, doolatak saqoltih yan mari maraasiyot kaa elle yabbixe'kkel, keenih kawse.

2 Malikwa 25:23

Yuudâ-qaskarih-abbobti kee qaskar ta xaagu toobbe waqdi, Gedalya fan yemeeten. Gedalya too saaku dabaaqah Mixfa deqsitta magaalal suge. Too saaku Gedalya fan temeetem, Natanyá-Ismaaqil kee Kareyyác-Yohanan kee, Tancumét-Seraayay Natoofâ-magaalah yooboke kee, Yaadanya deqsita numuy Maqkâ-magaalal yoobokehiyyak ten.

Ermiyaas 36:4

Tohuk lakal Ermiyaas, Neeriyyâ-Baaruk deqsita numuh secca iyyeeh; YALLI kaak, «Uktubay raaqisa» iyyem, too numuh yaktube'gidih warse. Too waqdi Baaruk tohim inkih xambaqen-warkatal yuktube.