Ermiyaas 36:10 - NABUWWA KEE MALIKWA

¹⁰ Too mari inkih elle gaaboowe'kkel, Baaruk xambaqen-warkat fakka heeh, YALLIH yaabay Ermiyaas kaah warsehiyyak kawsa keenih abe. Toh keenih elle yikriyem, YALLIH qibaadah-qarih addal Gamarya deqsita numih golih addak ten. Gamaryak abba Safan deqsitak yeneeh, duma malik-buxak kutbe-abeenah yen. Too qari elle yenem, YALLIH Qibaadah-Qari luk yen daga raqta golittek golik teenay Qibaadâ-Qarik Qusba-afay akak culaanahiyyak garik ten.

Ermiyaas 36:10 Referans Kwoze

Ermiyaas 36:11

Safán-Gamaryâ-Miikayhu deqsita num Baaruk keenih yikriye YALLIH yab yoobbe waqdi,

Ermiyaas 52:25

qaskar abbay qaskarak foocat yanihiyya kee, malikih fayu acayuk yen malcina numuy saqoltih tenehiyya kee, qaskar abbah cato abak yen numuy qaskar migaaqih kutbet yenehiyya kee, wohuk kalah yan makaabonuk lactam num magaalak bee.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 36:25

Elnaatan kee Dalaaya kee Gamarya, «Malikow, warkat girat maqidin» axcuk kaa kallaceenih immay keenik cineh.

2 Samuwel 8:17

Aciitúb-Saaduk deqsita num kee Abiyatáar-Acimalek diini abbootan luk yenen. Seraaya deqsita num kaadu malikik kutbe-abeenah yen.

Ermiyaas 36:8

Sarrak Baaruk YALLIH Qibaadah-Qari fan gexeeh, YALLIH yab hununuh Ermiyaas kaak elle inxicca iyye'nnal kawse.

Ermiyaas 36:6

atu ummat soomuh assa saaku Qibaadâ-Qari gexxa 'xicay, tama taway koh warse yaabay tuktubehiyya keenik foocal, anay fayya haay kawsa keenih ab. Tamah inkih YALLIH yaabaay; YALLI keenih warisa yok iyye yaaba. Tonna'mmay Yuudâ-maray magaaloolik yemeeteh agantah akah yaabben innah, keenik foocal anay fayya haak kawsa keenih ab.

Ermiyaas 35:4

yakkeenimiik YALLIH Qibaadah-Qari fan ken baahe. Qibaadâ-Qarik Yigdalyaahû-Caanan deqsita nabih darsa edde ten golih adda ken culse. Too goli Qibaadâ-Qarik saqoltih yan mari le golik xaqut yeneeh, kaadu Sallúm-Maqseyaahu deqsita numih golik daga raaqa golik ten. Maqseyaahu Yallih Qibaadah-Qarih taamat kaxxa arac le numuk ten.

Ermiyaas 29:3

A warkat uktubba heeh elle yeceem, Safán-Elqasa kee Cilkiyyâ-Gamarya deqsita marih nammayay Malik-Xidkiya Baabelon-malik fan farmo elle ruubak sugehiyyak ten. Yuktube warkatal teneemih,

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

2 Malikwa 15:35

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon. YALLIH Qibaadah-Qarih kiblati-kabih culmah arac xissem, Yootamak ten.

2 Samuwel 20:25

Sawa kutbe-abeenah yen. Saaduk kee Abiyataar diini abbobtik ten.

1 Malikwa 6:36

Qibaadâ-Qarih-addah-daaratak sidooca xaay oreenihiyyay tittin bagul heenihiyyak lakal, woo xaak amo le kabul sariida coox haak bicsen. Kulli gidaarak daga raaqa aracah amma 'yaanamah tonnal bicsen.

Ermiyaas 43:3

Takkay immay ta yaabat koo yaabissaah net koo rubtam, Neeriyyâ-Baaruk kinnim away neexegeh. Usuk tah akah abam, Baabelon-malikih gabal gacna'gidiiy, usuk nee qide kee, hinnay kaadu, Baabelon-rasu fan seewah nee beyaana'gidi» iyyen.

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.

2 Malikwa 22:3

Yoosiyaahu malik edde yekke taban kee bacarhaytô sanatat, malik-buxal kutbe-abeenah suge Safan deqsita num, YALLIH Qibaadah-Qari fan farmoh ruube. Safan, Axalyaahu deqsita numuk baxak teneeh, Masullam deqsita numuk baxi baxak ten.