Ermiyaas 34:22 - NABUWWA KEE MALIKWA

²² Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 34:22 Referans Kwoze

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Ermiyaas 39:8

Too ayrot Baabelon mari, malik qari kee raqqa 'te ummatih qarwat inkih gira ruuben. Yarusalaamat maroh sugte gidaarwa inkih bututtukku heen.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Ermiyaas 52:7

Too waqdi Baabelon-qaskar magaalat maroh yan gidaar boohayseenih. Sarra inkih tan qaskar magaalak afah kudde. Baabelon mari magaala marot abbaxuk suge'mmay, tohuh, magaalah addal sugte qaskar magaala barat cabeeniih, malik bustaanih gariik namma gasok fan-fan gacca 'yeenih gexen. Tokkeek Ordon weeqaytu fan beya gita gacen.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 33:10

YALLI qagissa heeh, iyyeemih, «Ummat intaamah, ‹A baaxo bacarih tan baaxoy num kee lac elle deedaltahiyya tekkeh tan› 'yaanam iyyan. Toh keenik numma. Yuudâ-magaalooli kee Yarusalaam gititte sinaamak nummah foyyah raqteeh, lac kee num addal akak maraaqinna. Takkay immay ahak sarra,

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.

Zakariyya 1:12

Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Ermiyaas 38:23

Kaadu qagseh kaak iyyeemih, «Gennaaqot lito agabu kee xaylo Baabelon marih gabal kok heelon. Atu kaadu elle taawwe kabu mageytaay, Baabelon-malik seewah koo beele. A magaalat gira ruubelon» kaak iyye.

Ermiyaas 32:29

gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Yasaqya 64:10

Ku magaalooliy taahirik tenehiyya Siyon agantah haanah raqte. Yarusalaam sahda elle deedalta abur tekke.

Yasaqya 37:26

«Anu aham takku waytaamal dumaak maliseh sugem maabbito inna? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 24:12

Magaala abuuruh raaqeleeh, akak culan afa bututtukkay riira tet abelon.

Yasaqya 13:3

Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

2 Samuwel 16:11

Tohuk lakal Dawud Abiisay kee kay gubal taamita doolat marak iyyemii, «Inni sammok xale baxi yoo qidam faxa way, isin a numih xaafu macah waagissan? A xaafu kay afat haytem YALLA. Tonna-leemik yanay kaa inxicaay, aba xaafu abitay kaa 'xica.

2 Malikwa 25:6

Kaa Malik Nabkadnessar fan beeniih; Nabkadnessar too waqdi Ribla deqsitta magaalal yen. Tokkel Malik Nabkadnessar digaala kaal hee.

Ermiyaas 34:2

YALLAY Israayil doore Dagelta kinnihiyya kok iyyeemih, «Gexay Yuudâ malikih yan Xidkiyak intaamah, YALLI, ‹A magaala Baabelon-malikih gabal heeyyo. Too malik Yarusalaamat gira ruubele.

Ermiyaas 50:13

Yi naqbi teetil oobeleeh; tohuk gexxaamah num dabaaqah teetil magaca. Abuuruh raaqele. Xaqu teetik gaceh gexu waa mari teetit tekkem yabalu waa waqdi, wariggiteleeh, ‹Woyyow! A rasut tekkem umaamak tanih tan!› axcelon.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.