Ermiyaas 34:21 - NABUWWA KEE MALIKWA

²¹ Tonnah kaadu Yuudak malikih yan Xidkiya kee kay gubal tan doolat abbobti, kaa niqba maray kaa qidam faxahiyyah gabal heeyyo. Baabelon malikih qaskaray awayih ibak qeebi keenik yeyseedem ceelahiyyah gabal ken heeyyo.

Ermiyaas 34:21 Referans Kwoze

Ermiyaas 39:6

Malik Nabkadnessar, Ribla deqsita aracal, Xidkiyâ-xaylo abbak foocal qidsiiseeh; tohuk kalah kaadu Yuudâ-makaabon qidsiiseh.

Yacedkel 17:16

«Waara YALLAY Mulki lehiyya kinniyooh, inni migaaqal xiibita'mmay, a malik Baabeloonul rabele. Macaay inteenik, malik kaa abtem, Baabelon malikiiy; kaa'luk abe xiiba kee xagana kaal makeemih sabbatah rabele.

Ermiyaas 52:10

Digaalah lab-xaylo kaak foocal usguuda iyye. Too waqdi too xaylo kaak foocal yusguuden. Doolat abbobtih suge mara kaadu qida iyyeeh; too waqdi ken qideenih.

Ermiyaas 32:4

‹Too saaku koo kaadu too malikih gabal heeyyooh tassillimem faxxaamah koh mabicta› kok iyye. ‹Baabelon maliki lih fooca kee foocah yaabettooh, isi namma intih kaa abletto.

2 Malikwa 25:6

Kaa Malik Nabkadnessar fan beeniih; Nabkadnessar too waqdi Ribla deqsitta magaalal yen. Tokkel Malik Nabkadnessar digaala kaal hee.

Ermiyaas 22:25

akak meysitta maray koo qidam faxah gabal koo haak en. Taway kinni way too marih gabal koo heeyyo. Malik-Nabkadnessar kee kay qaskarih gabal koo heeyyo.

Ermiyaas 32:3

Kaa casbissem, Malik-Xidkiyak teneeh; kaa akah casbisem, YALLI iyyem warseemih sabbata. Ermiyaas Xidkiyak iyyemii, «YALLI, ‹Ama magaala Baabelon malik abbixele› 'yaanam iyyeh yaniih,

Ermiyaas 52:8

Takkay immay Baabelon-qaskar Malik-Xidkiyak lakal gexeeniih, Yerikô-magaalah garil tan booxak bagul kaa yibbixen. Kay qaskar inkih kaa cabteh isih kudde.

Yacedkel 17:12

«Ama yabti-cina-leela a ceelalloy baahehiyyak maqna yaaxigeenim keh ken esserey. Baabelon malik Yarusalaam fanah amma 'yeh, malik kee kay maray kay gubal abbootan luk sugehiyya Baabelon fan beem keenih waris.

Yacedkel 17:20

Sahdah admoh qidan oflo kaah qideyyooh, too oflot kaa abbixeyyo. Baabelon fan kaa beeyyooh, tokkel kaa digaaleyyo. Toh kaal akah baahu waam, imaan yol heeh masuginna.