Ermiyaas 34:15 - NABUWWA KEE MALIKWA

¹⁵ Away xayi saaku, duma edde sugten qellat ixigga hayteenih, ruffa yoo haytam abteenih sugten. Toh macaay inteenik, takkeenimiik titta geyya hayteenih, sin maray naqoosah luk sugteenihiyya cabteeniih, curri ken abteenih sugten. Too sittin-gey yoo elle yaqbuden yi qibaadah qarih addal yi migaaqal abten.

Ermiyaas 34:15 Referans Kwoze

Ermiyaas 34:8

Malik Xidkiya kee Yarusalaam magaalah mari, Qibraanah yooboke maray ken marah yenehiyyak labim kee sayimiy naqoosah yeddereenih yeneenihiyya, curri abaanaah gexxaasitoonay ken iyyaanamal titta geen.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

Nacmiya 10:29

nek saqoltih yan mara lih gacca inneh, ‹Yallih xintoy isi naqasuh yan Muusal ruubehiyya intam cinna haynek, digaalah abaaro nee tabbaxay› 'yaanamal xiibinnah nan. YALLAY ni Dageltah yanihiyya nee akah amrisem oggolenno. Kay amri kee usuk nek aba iyyem abenno 'yaanamal titta geynah nan.

Ermiyaas 32:34

Yoo elle yaqbuden qarih addal, umâ-yabulih tan duyyey Yallih innah yaqbudeenihiyya heeniih, yi Qibaadah-Qari nadaasa aben.

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

2 Malikwa 14:3

Amaxya YALLI kicna taamah taamitak yene'mmay, Yalli yeyyeeqe xinto kee amri, akak rade Dawud elle oggolak yen innal, moggolinna. Isi abba-Yooqas-raatat gexak suge.

2 Malikwa 12:2

Malik-Yooqas, suggu 'yem fan, YALLI kicna taamah taamitak suge. Woh akah tekkem, sek-Yoyadaq aba kaak axcinnaanim abak yeneemih sabbatak ten.