Ermiyaas 34:14 - NABUWWA KEE MALIKWA

¹⁴ Toh macak tan inteenik, Qibraanah yooboke num naqasuh yeddere num yenek, lica sanat kaah taamitak sugek lakal, malcinhaytô sanat elle yamaate'kkel, currih gexitay kaa intaanam siinil ten. Takkay immay duma sin kaxxa abbobti yi yab aabbuk masuginnaay, anu keenik axceemit maqal haysitak masuginnon.

Ermiyaas 34:14 Referans Kwoze

1 Malikwa 9:22

Suleeman Israayil mara naqoosinnat abbaxuk manannaay; oson kay qaskar kee qaskar abbobti kee gaariira amrisa mara kee faaris amok qeebi abta qaskarah yenen.

Qaamus 8:6

Caffa kee daro tittat esgella hayneh sinaamat xaamenno. Mago edde lino masaakiinay mago tagdiyu teffere woo magoh aftok ninni naqoosa abenno. Woo mago ibat lon kabeelih limo gide takkem kinni-way, ninni naqoosa ken abenno› 'yaanam intan.

Qaamus 2:6

Qaamus kaadu qagissa heeh iyyemii, «Aham YALLI iyyaama. ‹Israayil mari fiiruk geerah dambi le taama abeenih; tohuk gexxaamah ken digaaleyyom digga le. Qellat sinni maray isi mago yagdiyu duude waahiyya sinaamal xaaman. Gersim hinna'mmay, magok yeceen kabel edde gacsan dudda alle wayta masaakiina, magoh aftok naqoosah haysitan.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 20:4

Yalli yok iyyeemih, «Bani-adantow, a maral cokmi ab. Cokmih tuk teena keenik inxic. Ken kaxxa abbobti abak sugte uma taama ken kassis.

Ermiyaas 32:30

Israayil kee Yuudâ-marih abto, yoo ruffu hayte saaku mali. Ken taama fiiruk geerah bagi-cararow yol tekkeh tan. Tahat yabtam yoo YALLA.

Yasaqya 58:6

«Anu faxa soom siinih warisu waa. Qadaalat-sinni-silsilatay sahda edde tabbixeeni kee sahdak fillal tabbixen koyta sahdâ-fillak kalay edde xukkutan mari currih yanay inxica.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

2 Aydaad 28:10

A saaku Yuudâ-rasu kee Yarusalaam magaalal agabu kee labhak rabak raqtem isinni naqoosa abtaanam faxxan. Tonnal hay, isin isinnih, YALLIH garil dambit ase mara takkeenim siinih matambullaa?

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.