Ermiyaas 34:10 - NABUWWA KEE MALIKWA

¹⁰ Tahamal ayyunta kee makaabon titta geyteeh, «Away currih ken rubnaamaay, tahak wadir naqoosah ken addare waynay» 'yaanamal titta geeniih, sarra ken ruubeenih.

Ermiyaas 34:10 Referans Kwoze

Ermiyaas 26:16

Too waqdi makaabon kee raqqa 'ye mari yakkeenimiik, seeka kee nabuwwa kinnino iyya marak iyyeenimii, «A num edde yaabam, YALLAY ni Dageltah yani kaak inxica iyyeemiiy, isi amok yeyyeeqem hinna. Tonna leemiik rabi kaal mayamaata» iyyen.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 36:12

malik buxah addal kutbe-abeenah yen numih qari culeeh; tokkel doolatak saqoltih yen mari inkih daffeyna luk kaah sugen. Too daffeynat kutbe-abeenah yen Alisamaq deqsita num kee, Samaqyâ-Dalaaya kee Qakbór-Alnaatan kee Safán-Gamarya kee Cananyâ-Xidkiya kee, wohuk kalah tan doolatak saqoltih yan mari edde yen.

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Ermiyaas 34:11

Takkay immay waqlak wadir, duma titta elle geenimit qagteeniih, wadir edde ken abbaxuk sugen naqoosannuh ken gacsen.

Ermiyaas 34:19

Yarusalaam magaalah abbobtih yan mara kee Yuudah-abbobtiiy, malik qaril abbootan le maraay, seeka kee inkih yan ayyuntak toh abu waama.