Ermiyaas 33:7 - NABUWWA KEE MALIKWA

⁷ Israayil kee Yuudah yooboke mara, seewah ken been baaxok, ken baaxo ken gacseyyooh, duma akah suggu 'yen mara ken abeyyo.

Ermiyaas 33:7 Referans Kwoze

Ermiyaas 30:3

Macaay intek, Israayil kee Yuudâ-maray yi mara kinnihiyya ken baaxoh edde gacisu waa ayroora amaatele. Ken kaxxa abbobtih ikoytah ecee baaxo fanah ken gacseyyooh; ken baaxo keenih gacseyyo. Tahat yabtam yoo YALLA› 'yaanam kaak iyye.

Yasaqya 1:26

Duma luk sugten abbobti kee makaabonuh bis le mara sin addal heeyyo. Tonnal Yarusalaam magaala cakki leeh, imaan Yallal le magaala akkele» iyyah yan.

Ermiyaas 32:44

Ahak sarra tama baaxol sinam baqurê-baaxo limmoyseleeh; limo elle abbaasiten inni, sarra sumaq keenih yakke'gidih, waraakitil aktubelon. Too limo elle tekke inna kaadu sinam foocal abbaasitelon. Taham elle takku waytam, Benyam rasu kee Yarusalaam dariifal tan gaandoodi kee Yuudâ-rasul tan magaalooli kee, kaxxa qaleela kee mango koomaami le baaxol geytinta magaaloolih addal akkele. Yuudâ-rasuk gabbi-qaxat raqta magaaloolil kaadu toh akkele. Ahak sarra ken baaxoh ken gacseyyo. Tahat yabtam yoo YALLA» 'yaanam iyye.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 42:10

‹Ama elle tanin rasul elle teedeenik, qarih innah sin xiseyyo ikkal, sin maggila. Caxah innah sin daabiseyyo ikkal, ahaysa buxuxuk sin masiiba. Siinil oobisem afqado yok biyakteh.

Ermiyaas 33:26

Hununuh toh elle abba hee innal, Yaqkuubuk rade mara kee, inni naqasu Dawud lih hee qahdi, way bayi mahaa. Dawuduk rade marak num dooreyyooh; too num, Abraahim kee Iscaak kee Yaqkuubuk rade marih amol dardaariseyyo. Inni marah uxih racmateyyooh, ahak sarra gaddaleela ken abeyyo› 'yaanam iyye.

Ermiyaas 31:28

Duma ragidik ken siibak sugeeh, ragidik ken aggaluk suge. Deerik afah ken edde korisak ken bayisak suge. Duma umaane keenit edde aba uddur wagitak suge'mmay, ahak wadir edde ken xisaah daabisa uddur keenih wagteyyo.

Ermiyaas 30:20

Duma akah sugen marah ken gacseyyo; wadir yi qibaadal digga axcelon. Keenit xukkuta mara digaaleyyo.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Ermiyaas 24:6

Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Zakariyya 1:17

Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Hosiqa 2:15

Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.

Ermiyaas 31:38

YALLI qagseh iyyeemih, «Yarusalaam magaala yi migaaqal edde xissintu wayta ayroora amaatele. Sahda akak yabloonuh xisen Cananal-Qariy amo-xeerik xabba haanamaay, Rukni-Afah deqsita aracah amma 'yaanam edde xisoonu waan wakti amaatele.

Ermiyaas 50:4

YALLI qagseh iyyemii, «Taham takku wayta saaku, Israayil kee Yuudah ummatta weeqah ximo caxak, yooy ken Dagelta kinnihiyyah goranah amaatelon.

Yacedkel 39:25

YALLAY Mulki lehiyya iyyeemih, «Anu a saaku, Yaqkuubuk rade marah racmateyyo. Ahak sarra akah sugen gaddaleela ken abeyyo. Inni migaaqay taahirik yani dacriseyyo.

Yasaqya 52:8

Magaalak gasoh afa dacrisa mari xongolo fayya haak ruftoh saxxaq aban. Macaay inteenik, YALLI Siyon fan yaduurem isinni intit yableenih yanin.