Ermiyaas 33:24 - NABUWWA KEE MALIKWA

²⁴ ‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Ermiyaas 33:24 Referans Kwoze

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.

Yacedkel 26:2

«Bani-adantow, Suur magaalal yan mari akah wallitam macaay intek, kinnim koh warisu waa. Ahaysa, ‹Yarusalaam tiddigiiggilleeh; tellemmoy teetil akkuk tenehiyya gaba kalteh ikkal, gaddaliinoh net mamissowta› 'yaanamah wallitan.

Yacedkel 25:3

‹Mulki le YALLIH yab oobbeya› keenik inxic. ‹Yi Qibaadah-Qari nadaasa yekkem siinit temqeh; Israayil rasi bayem siinit temqeh; Yuudâ mari seewah gexam kaxxam siinit temqe.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Yasaqya 7:17

YALLI, koo kee ku ummatta kee ku buxah maral, Israayil Yuudak baxsinte saakuk wadir akke wee taqabi kee gibdaabina ruubele. Assuuriyah malik siinit ruubele.

Yasaqya 11:13

Israayil ummatta Yuudah lon kuuxewaynaan kee naqabu cabelon. Yuudâ-mari kaadu Israayil marah kuuxewaynaan kee naqabu bagut maha.

Ermiyaas 3:7

Too uma-taamak lakal, yol aduureloonum akkaluk suge'mmay, yol maaduurinnon. Yuudâ-mari, anu Israayil mara xiiriyeeh; innik ken eyxeerem yubleenih. Ken akah eyxeerem, ken uma-taama kinnim yubleenih. Takkay immay keenik maysinnoonuuy, keenik kaxxih, uma-taama-leela yekken.

Ermiyaas 31:37

Qagseh iyyeemih, «Qaran yamittiroonu duudaanaa? Maduudan. Baaxo edde taade buxux goranal maay geyan? Mageyan. Hay tonnal, Israayil mari faxem abaamah, ken cineyyo 'yaanam too gideey; takkem hinna. Tahat yabtam yoo YALLA» 'yaanam iyye.

Ermiyaas 33:23

YALLIH qangara Ermiyaasal obte. Kaak iyyeemih,

Ermiyaas 33:26

Hununuh toh elle abba hee innal, Yaqkuubuk rade mara kee, inni naqasu Dawud lih hee qahdi, way bayi mahaa. Dawuduk rade marak num dooreyyooh; too num, Abraahim kee Iscaak kee Yaqkuubuk rade marih amol dardaariseyyo. Inni marah uxih racmateyyooh, ahak sarra gaddaleela ken abeyyo› 'yaanam iyye.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Yacedkel 36:20

Elle gexinnaan baaxol yi migaaqay taahirik yanihiyya baysen. Toh mannalaay intek, ‹Ama mari YALLIH marak tene'mmay, a saaku kay baaxo cabeenih gexaanah yanin› 'yaanam iyyaanaah; yi migaq keenil xagan.

Yacedkel 37:11

Too waqdi Yalli yok iyyeemih, «Bani-adantow, tama lafoofi Israayil marah ceelallo. Israayil mari, ‹Nanu lafoofih innah kafneh karacca inneh nani'kkal, tahaysa xiqnam linoh manan› 'yaanam iyyan.

Ermiyaas 31:36

YALLI, «A addunya tanim fanah Israayil mari yi garil doolatah anele. Yi intit doolatah anele» iyye.