Ermiyaas 33:17 - NABUWWA KEE MALIKWA

¹⁷ Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

Ermiyaas 33:17 Referans Kwoze

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

1 Malikwa 8:25

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

Ermiyaas 35:19

Toh ubleeh; tohuk gexxaamah, yoo YALLAY Nabaamak Nabah, Israayil doore Dagelta kinnihiyya xagana siinih cula. Toh maa xagnaay inteenik, Rekáb-Yonadabak rade marak lab-baxay kulli way yi qibaadat gacu waahiyya aabukele. Ta qaada adok adol raaqele› 'yaanam siinik iyye» keenik exce.

1 Aydaad 17:27

Yok radda inteemih reeda baxak baxal akah raqta innah, isi barkat keenit hay. YALLAW, tah kaadu atu isih xagana akah culteemi. Tonna-leemik, atu elle inte innal, yooy ku naqasuh yanik radda 'ya marat barkat kulli way heettom aaxigeh» 'yaanam iyye.

2 Samuwel 3:29

Abner-biili Yowab kee kay buxah mara yabbaxay. Boda kee baras kay durruyyat cabe waytay, caxxal rekitak gexa num keenit waytime waay. Carbi kee qulul ken cabe waytay» iyye.

Ermiyaas 17:25

tonnal, Dawud qarkaytol tan malikwa kee ken gubal tan reedon, Yarusalaam magaalat culla bukka abelon. Malikwa kee malikwâ-gubal yan mari, faras-gaarit gacca 'teenih, Yuudâ-mara kee Yarusalaam mara wakalih haysitta hayteenih, teetil meekitetton. Yarusalaam magaala daayiman dabaaqah teetil gaca mara mawayta.

2 Samuwel 7:12

Atu rabtaah isi kaxxa abbobti lih tamoogoqu wayta saaku, ku xaylok numuk teena malikih heeyyooh, kay reeda qande bahsiiseyyo.

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Malikwa 11:2

Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.