Ermiyaas 32:43 - NABUWWA KEE MALIKWA

⁴³ Isin inkih, ‹A baaxo gaba kalteeh; Baabelon-malikih gabat raddek wadir, num sinniih lac sinni abur akkele› 'yaanam intaana'mmay, ahak sarra sinam baqurê-baaxo teetil xaamele.

Ermiyaas 32:43 Referans Kwoze

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 32:36

YALLAY Israayil doore Dagelta kinnihiyya qagseh iyyemii, «Ermiyaasow, atu away intaamah, ‹Yarusalaam mari carbi kee qulul kee dalka qayyaawissa ken hayta waqdi, Baabelon malikil gaba isinnih aceelon› 'yaanam inte. Toh kinnih immay toh lih axcem liyo.

Ermiyaas 33:10

YALLI qagissa heeh, iyyeemih, «Ummat intaamah, ‹A baaxo bacarih tan baaxoy num kee lac elle deedaltahiyya tekkeh tan› 'yaanam iyyan. Toh keenik numma. Yuudâ-magaalooli kee Yarusalaam gititte sinaamak nummah foyyah raqteeh, lac kee num addal akak maraaqinna. Takkay immay ahak sarra,

Ermiyaas 32:25

Tonna'mmay YALLAW, Mulki le Dageltaw, Yarusalaam tanna le mabbuuxut tanim abalih, «Sahda sumaaqah hayya haay baqurê-baaxo ku qammih baxak xaamit» yok inteeh; toh abeh› 'yaanam exce» iyye.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.