Ermiyaas 30:3 - NABUWWA KEE MALIKWA

³ Macaay intek, Israayil kee Yuudâ-maray yi mara kinnihiyya ken baaxoh edde gacisu waa ayroora amaatele. Ken kaxxa abbobtih ikoytah ecee baaxo fanah ken gacseyyooh; ken baaxo keenih gacseyyo. Tahat yabtam yoo YALLA› 'yaanam kaak iyye.

Ermiyaas 30:3 Referans Kwoze

Yacedkel 20:42

Israayil rasuy sin kaxxa abbobtih eceeyyo exceh sugehiyya fanah sin gacisu waa saaku, YALLA kinniyom yok aaxigetton.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Ermiyaas 33:26

Hununuh toh elle abba hee innal, Yaqkuubuk rade mara kee, inni naqasu Dawud lih hee qahdi, way bayi mahaa. Dawuduk rade marak num dooreyyooh; too num, Abraahim kee Iscaak kee Yaqkuubuk rade marih amol dardaariseyyo. Inni marah uxih racmateyyooh, ahak sarra gaddaleela ken abeyyo› 'yaanam iyye.

Ermiyaas 32:44

Ahak sarra tama baaxol sinam baqurê-baaxo limmoyseleeh; limo elle abbaasiten inni, sarra sumaq keenih yakke'gidih, waraakitil aktubelon. Too limo elle tekke inna kaadu sinam foocal abbaasitelon. Taham elle takku waytam, Benyam rasu kee Yarusalaam dariifal tan gaandoodi kee Yuudâ-rasul tan magaalooli kee, kaxxa qaleela kee mango koomaami le baaxol geytinta magaaloolih addal akkele. Yuudâ-rasuk gabbi-qaxat raqta magaaloolil kaadu toh akkele. Ahak sarra ken baaxoh ken gacseyyo. Tahat yabtam yoo YALLA» 'yaanam iyye.

Ayyuqel 3:1

YALLI iyyaamah, «Too ayroorah addat, Israayil kee Yuudâ marah luk sugen gaddaliino gacseyyo.

Yacedkel 36:24

Macaay inteenik, kulli doolat kee baaxoh addak bahha sin heeh, sin baaxo sin heeyyo.

Yacedkel 47:14

Isin akak radden sin kaxxa abbobtih a baaxo aceeyyoomuh xagana culeh suge. Away too baaxo isin inki gidel kurraasita.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 31:38

YALLI qagseh iyyeemih, «Yarusalaam magaala yi migaaqal edde xissintu wayta ayroora amaatele. Sahda akak yabloonuh xisen Cananal-Qariy amo-xeerik xabba haanamaay, Rukni-Afah deqsita aracah amma 'yaanam edde xisoonu waan wakti amaatele.

Ermiyaas 31:31

«YALLI kaadu iyyeemih, «Israayil mara kee Yuudâ-mara lih qusba qahdi edde hayu waa ayroora amaatele.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 27:22

«Ta duyye ellecabol Baabelon rasu fan dannabah beeloonuuh; anu sarra akah gacsan innah keenik abam fanah, tokkel elle sugele. Sarrak beenih sugen duyye inkih le aracah gacseyyo. Tahat yabtam yoo YALLA» 'yaanam iyye keenik exce.

Ermiyaas 27:11

Takkay immay faxe baaxoh mari, Baabelon malik keenil yabbixe *madmad cine waanaah usuk keenik aba iyyam abeenik, tonnal isinni baaxol elle yanoonay ken axceyyo. Isi buqre yabqureeh isi baaxol yan mara ken abeyyo. Baaxok ken masgayya. Tahamat yabtam yoo YALLA› keenik inxic» yok iyye.

Ermiyaas 23:5

Qagseh iyyeemih, «Dawuduk radeeh cakki gitat gexa malik siinih edde reedisu waa ayroora amaatele. Too malikiy Dawud-Luddal muggaaqisaanahiyya reedu waa saaku, ummat kasat xiinisaah qadaalat le malik akkele. Baaxo qadaalatat xiinisele.

Qedra 3:12

Takkay immay mango idoolah tan seeka kee Leewih yooboke mara kee gulubwah saqoltiy duma suge Qibaadâ-Qari aaxaguk yeneenihiyya, away nammeyhaak xisaana'gidih rakiibo heenim yublen waqdi, kaxxam weeqen. Raqqa 'ye mari farcih qililise.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Qedra 3:1

Malcinhaytoh alsat kulli num isi magaalal keenik dabaaqah gace. Tohuk lakal yakkeenimiik Yarusalaamal gaaboowen.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ermiyaas 30:4

YALLI Israayil kee Yuudah yooboke marih qaadak iyyem ah teeti.

Ermiyaas 31:16

Raaceley, ahaysa maweeqinay ximo isik dug. Atu isi xayloh abteemih galto gee'kal maraqtak ximo isik dug. Away elle yanin naqboytiitih keenik yan marih baaxok awqelon.

Ermiyaas 51:60

Ermiyaas xambabbaqe warkatay kutbe elle tani kaal yecee. Too warkat tuktubem, Ermiyaasak teneeh; elle yuktubem, Baabeloonut takku wayta umaanek ten.

Yacedkel 34:13

Marin baaxok ken gacseyyooh, inki aracal ken gaaboyseyyo. Wadir ken baaxo ken gacseyyo. Israayil baaxoy qaleela leeh buyyitte lehiyya ken gacseyyooh; akadah (agdah) yan arac ken beyya heeh, ken aylooleyyo.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.