Ermiyaas 30:16 - NABUWWA KEE MALIKWA

¹⁶ «Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.

Ermiyaas 30:16 Referans Kwoze

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Zakariyya 12:2

«Yarusalaam qinabak bicsen kamri abeyyo. Yarusalaam magaalah dariifal tan doolatwah yooboke mari too kamrik aaqubeloonuuh, sakraan innah lagaggaq axcelon. Too mari Yarusalaamat maro hayu waa waqdi, Yuudâ magaaloolik raqqa 'te magaaloolit kaadu maro gacele.

Ayyuqel 3:8

Xaylo Yuudâ-marat siinik aylammeyyo. Oson kaadu Saaba deqsita xer baaxoh marat ken aylammelon. Tahat yabtam yoo YALLA» iyye.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Xafanya 2:8

YALLAY Nabaamak Nabahiyya iyyaamah, «Mooyab kee Qammon deqsitta kedoh yooboke mari ummat yok xaafaah; oson anqibinnaanim iyyaanam keenik aabbeh an. ‹Baaxo siinik beenno› axcuk keenil tirtirisan.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.

Naacum 1:8

Isi naqboytit kaxxa weeqih duufut ruuba. Kaa niqba mara inkitanuuk bayisah.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Miika 4:11

Mango baaxoh mari siinit qeebi aba'gidih gaabooweh yan. «Yarusalaam qaybit raddam meqe; a magaala abuuruh raqtam nablem fanna!» iyyan.

Yacedkel 35:5

«Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Yacedkel 29:6

Masril yan mari inkih YALLA kinniyom tohuk lakal yok aaxigelon› » iyye. YALLI iyyeemih, «Masri maraw, Israayil mari catoh niya siinil luk suge. Takkay immay qandeh bayre caxxak maysinniton.

Ermiyaas 2:3

Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».

Yasaqya 54:17

Tonna'mmay faxe silac kol baahu waam mali. Koo akah istikiyya hannaanimil, gacissu waytam geetto. Inni naqoosah acayu waam, tamah teeti. Anu keenih acee cakkik tanim, tamah teeti» 'yaanam iyya. Tamah YALLI iyyaama.

Yasaqya 54:15

Qeebi kot abu waa mari yi amrik kot abem madeqsita; qeebi kot abu waa mari ku gubah gacele.

Zakariyya 14:2

YALLI Yarusalaamat qeebi abaana'gidih doolatwa inkih gaabossu heeh, baahele. Yarusalaam carbit abbixelon. Qarwat sugga 'te duyye buubelon. Agabu cayliselon. Ummatak garab seewah beelon. Garab magaalal elle cabelon.

Zakariyya 1:14

Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.

Ermiyaas 50:28

Ankacisa! Baabeloonuk kude mari Siyon fanah yamaateh yan! Tokkel, duma Yallih Qibaadah Qaril baaheenimih caneh, YALLAY ni Dageltah yanihiyya Baabeloonul baaheemit yaabeloonuk, ken ankacisa.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Ermiyaas 30:15

Siinit yekke mudumut ahaysa mayaabina; sahdayti sin akak daylisu maduuda. A biyaakah sin akah biyaakem, dambi siinik manguk sugeeh kaxxa dambih addat sugteeniih; sin akah biyaakem tohu.

1 Samuwel 17:53

Israayil mari wokkek yuduure waqdi, Filistiin mari qeebih elle yinfiddigeh suge aracal caben duyye keenik buuben.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.

Zakariyya 2:12

Too saaku taahirik tan baaxol, Yuudâ-mari dumak kaxxih, YALLIH ikoytah akkeloonuuh; ken rasi kay rasu akkele. Yarusalaam qagitak YALLI doorite magaala akkele.