Ermiyaas 3:23 - NABUWWA KEE MALIKWA

²³ Diini maleela lih gacca inneh qaleelah amol naqbude duyye neh xiqtam mali. Nee waddam, dibuk YALLAY ni Dageltah yani.

Ermiyaas 3:23 Referans Kwoze

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Ermiyaas 17:14

Too waqdi YALLAK excemii, «Anu candu akah gacsam dibuk kook, YALLAW, yoo wad. Atu yoo waddek, waddiimeyyo. Yoo urus; atu yoo urussek, ureyyok.

Ermiyaas 14:8

Israayil ummat kibaal elle lem kooy; gadaama neh tabbixe saaku, nee waddam kook, YALLAW, qibnaytu macah nel takke? Safarah gexak yamaate qibnaytuy inki bar xiineh gexa macah nel takke?

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Yasaqya 63:16

Ni abba koo. Ni kaxxa abbobti Abraahim kee Israayil nee maaxaginna. Takkay immay YALLAW, ni abbay kulli way nee wada kinnito.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Yasaqya 45:17

Israayil ummat YALLI wadeh yan! Israayil ummat tahaysa wadu mawaytaay, qaybi wadiriik ken mayabbixa.

Yasaqya 45:15

Israayil doore Dageltay ken wadehiyyaw, atu nummah is yaaqure Dagelta kinnito!

Yasaqya 44:9

Yallih aftoh yaqbuden duyye bicsa mari foyyâ-mara. Oson kaxxam ruffu edde iyyan duyye tuxxiq sinniimi. A duyyeh sumaaqita mari, tu aaxige waah tu'mabul sinni mara kinnon. Tonna-leemik tahamat wacarriye lon.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 31:7

YALLI kaadu iyyemii, «Israayiliy doolatwak inkih nabahiyyah qililisa. Qililisak abtan saare fayya haak aba. Anay fayya haak, ‹YALLAW, isi ummatta wad. Israayil ummatak raqte saabo cat› axcuk kaa faylisa.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.