Ermiyaas 3:22 - NABUWWA KEE MALIKWA

²² YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 3:22 Referans Kwoze

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 14:4

YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Hosiqa 13:4

YALLI iyyeemih, «Anu YALLA kinniyooh, sin Dagelta kinniyo. Masrik sin bahtem yoo. Yook sa Yalli mayana. Sin cattam dibuk yoo.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Ermiyaas 31:18

«Israayil maray nadaamitahiyyah anay yol rada. ‹YALLAW, dubaalinneh sugne'mmay, ku amri oggolaanam nee barisseh. YALLAW, ni Dagelta kook, elle sugne'kke fan nee gacis; kol naduuruh bical nan› 'yaanam axcih ken aabbe.

Hosiqa 14:8

Israayil maraw, ahaysa xeet kee cooxuk bicsen duyyeh intit yoo tableenim siinik moggola. Dooqa siinik oggoltaah sin dacrissem yoo. Anxax caxah innah sin silaalissem yoo. Eelli haan barkat siinit haytem yoo» iyye.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Yasaqya 27:8

Ken tinqibeeh, baaxok teyyeeqe. Ayrô-mawqak silisse caacot, baaxok, YALLAW, ken tiskiliqeh.

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 4:1

YALLI siinik iyyaamah, «Israayil maraw, yol taduureenim faxxeenik, yol uduura. Anu faxe waa duyyey isinni gabak bicisseenihiyya taqbudeenim cabaay; yi qibaadal digga axcuk,

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.

Hosiqa 14:5

Israayil mara, qabar le baaxo rob elle doogisa'nnal doogiseyyo. Qobor innah wir axcelon. Lubnaan rasih cooxih innah, qande le daabisiyyah ken daabiseyyo.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.