Ermiyaas 3:16 - NABUWWA KEE MALIKWA

¹⁶ Tokkel waqlak wadir mangah amagguk elle tamaggeenimil, ummatta yi qahdih sandugut mayabta. Tohuk wadir tet kassitak maraaqaanaay, maqal edde luk maraaqan. Keenih xiqtam mali; wohoysa qagisak tet innah tan sandug mabicsan.

Ermiyaas 3:16 Referans Kwoze

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Yasaqya 65:17

«Kakka hayisaay, oobbeya! Qusba qaran xisam faxa; qusba baaxo aklukem faxa. Ahak duma tekkeh sugtem makasan; cubbit tet mahan. Ahaysa hawwentimele.

Ermiyaas 31:8

Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Yasaqya 61:4

Mango dabaanah abuuruh sugte baaxo xiselon. Dumaak bayteh sugte magaalooli nammayhaak xiselon.

Yasaqya 60:22

Siinik qunxa mari naba mara akkele; siinik gaca mari qande le mara akkele. Anu YALLA kinniyooh; edde akkeh meqe waktit, taham inkih xayuk absiiseyyo» 'yaanam iyyah yan.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Qaamus 9:9

Israayil mara yanfiyen daroh innah ken anfiyeyyo. Marin marih addat ken fixixise waqdi, ken addak uma mara ayyaaqeyyo.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Ermiyaas 7:4

Makot sin beya marih yaabal maaminina. «Nanu dumaak waddiime mara kinninooh; YALLIH Qibaadah-Qari ah kaana; xaqul lino» 'yaanam kulli way maxcinaay; a qari sin wadelem makkalina› keenik inxic» yok iyye.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Yacedkel 15:5

Dumaak girat qide'kal, sahdah xiqtam luk masuginnaay; awayay girat qideenihiyya, xiqtam luk maraqta» yok iyye.