Ermiyaas 3:14 - NABUWWA KEE MALIKWA

¹⁴ Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 3:14 Referans Kwoze

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 31:32

Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Yasaqya 17:6

Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 31:6

Israayil maraw, YALLAL uduura. YALLAT darre cabteenih taniinik, YALLAL uduura.

Yasaqya 57:17

Oson aban dambi kee bukko kee guqulul adoobitak sugeenimih sabbatah, ken inqibeh sugeeh, tonna leemiik ken digaaleeh darre keenit cabe. Keenih tu gactek, yab aabbe waa maray isinnih faxem abahiyyak sugen.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 31:6

Qibaadâ-Qari dacrisa mari Efrayim qaleelah amook deero abeleeh, ‹Annah nel amey; YALLAY ni Dageltah yani naqbude'gidih, Siyon qale fan nee beya› 'yaanam axcuk, sinaamah deero edde aboonu waan wakti amaatele» 'yaanam iyye.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.