Ermiyaas 29:23 - NABUWWA KEE MALIKWA

²³ Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Ermiyaas 29:23 Referans Kwoze

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 29:21

«Tonna'mmay YALLAY Nabaamak Nabah, Israayil doore Dagelta kinnihiyya, Kolaayah-Acab kee Maqseyaahû-Xidkiya deqsitta namma numih tiyak iyyaamah, ‹Oson siinil yaceenim diraabaay; YALLI nek iyye axcuk diraabat sin lih yaaban. A namma num, Malik-Nabkadnessar gabal ken heeyyo. Too malik siinik foocal xabba ken heeh ken qidele.

Ermiyaas 16:17

Macaay inteenik, yok qellittam matan. Oson aban dambik magarcita.

Malaaki 2:14

‹Macah nek cinah?› intan. Hay anu siinih warisu waa. Isin furrayniinol elle digibten agabuy sin kacnoytiitih yanihiyya cabba hayteenih, ken lih luk sugten Yalla-kee-xagana makteeniih; YALLI abtan sadgat siinik akah cinam tohu.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.

Ermiyaas 23:21

YALLI, «Anu a mara maruubinniyo. Farmo keenil maruubinniyo'mmay, tohuh ta mari farmo yi migaaqal baahaanamak maaseehedinnon. Sirrih, Yalli woh nek iyyeeh ah nek iyye 'yaanam uxih macabinnon.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Makaabon 11:10

Oson too waqdi ahal kaal gacseenimih, «YALLI ni sumaq yakkay; tahak cinnam mannu» iyyen.

2 Samuwel 13:12

Too waqdi kaak intemii, «Kat bas qaybih tanim maxcin, yi toobokoytaw! Tahah yoo madirkisin. Tah Israayil addal abeh umaamak kat. Uma-taamah yoo magorrisin» kaak inte.

Ermiyaas 5:8

Yessemeeqe rakuubuy alal radam faxaah muxahiyya yekken. Kulli num keenik cuggayti barrah sangeela.

Ermiyaas 7:11

Yi Qibaadah-Qari garoqti aleelitta gabla maay takkalen? Isin abtaanam inkih ableh. Tah intam yoo YALLA.

Ermiyaas 29:31

«Baabelon fan seewah beyya heen marak intamaa, YALLI siinik iyyamaa, ‹Nacelaamal yooboke Samaqya dirab siinil yaceeh, anu kaa maruubinniyo'mmay, anu kaak axce weem, anu excem siinit celsiisa. Dirab numma siinit celsiiseeh; kay yab teemeneenih.

Yacedkel 35:13

Tirtirisak yi giddinaamak edde yabten yab kee ceele-waytoy inteenihiyya siinik oobbeh.

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.