Ermiyaas 29:21 - NABUWWA KEE MALIKWA

²¹ «Tonna'mmay YALLAY Nabaamak Nabah, Israayil doore Dagelta kinnihiyya, Kolaayah-Acab kee Maqseyaahû-Xidkiya deqsitta namma numih tiyak iyyaamah, ‹Oson siinil yaceenim diraabaay; YALLI nek iyye axcuk diraabat sin lih yaaban. A namma num, Malik-Nabkadnessar gabal ken heeyyo. Too malik siinik foocal xabba ken heeh ken qidele.

Ermiyaas 29:21 Referans Kwoze

Ermiyaas 20:4

«YALLI, ‹Isi nabsi kee isi kataysisih nabsit cunxo qida num koo abeyyo› 'yaanam ku giddinaamak kok iyyeh yan. ‹Kaadu ku kataysis keenik naqboytiitih yan marih gabat rabeloonuuh; toh isi intih abletto. Yuudâ-mari inkih Baabelon-malikih gabat radele. Too malik carbit yibbixe marak garab seewah isi baaxo beele. Wohuk raqtem seefit selele.

Ermiyaas 20:6

Too saaku koo kee ku kataysiisiy, atu sirrih woh ubleeh ah akkele akak axcuk sugtehiyya, Baabelon baaxo fan beeloonuuh; sarra tokkel rabetton. Magaq tokkel siinik akkele. Kok buxah marih agantah tonnal akkele› kok iyye» kaak exce.

Ermiyaas 29:15

«Tonnah kaadu siinik iyyaamah, ‹YALLI, elle genxe baaxol nabuwway kay farmo bahtu wayta, neh ruube 'yaanam intaanam takkeh immay siinik axceemih, tamah anu ruube mara hinnaay; siinil yaceenim diraaba.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.