Ermiyaas 29:19 - NABUWWA KEE MALIKWA

^19-20 Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.

Ermiyaas 29:19 Referans Kwoze

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 26:5

sin fan ruuba nabuwway yi farmot tanihiyya siinik intaamah ayti acuya. Mango adda sin fan ken ruubak suge'mmay, siinik iyyeenimih ayti maacanniton. Away siinik axcem ankacise wayteenik,

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Ermiyaas 25:8

Kaadu qagseh keenik iyyemii, «YALLAY Nabaamak Nabahiyya siinik iyyamaa, ‹Yi yab cinteeniih; tohuk gexxaamah,

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.