Ermiyaas 29:12 - NABUWWA KEE MALIKWA

¹² Yoo kallacettoonuuh dooqa abetton. Anu kaadu sin dooqa kee kallaci raabiteyyo.

Ermiyaas 29:12 Referans Kwoze

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Yasaqya 65:24

Dooqa kee kallacit anih faxeenim keenih abeyyo.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Yasaqya 30:19

Isin Yarusalaamal yan marak ahaysa ruffa inteenih maweqtan. Yalla kallactan waqdi, siinih amqeleeh; cato kaal essertan waqdi, sin catele.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

2 Aydaad 6:38

Oson, too elle yanin baaxok nummaak isinni afqadook toobitta 'yeenih koo kallacen ken tekkek, too kallaciy kot abaanahiyya kaadu a rasu ken kaxxa abbobtih ikoytah teceehiyya fan ufkunnaay, kaadu ta magaalay atu isih doorittehiyya fan ufkunnaay, tonnah kaadu, ta qariy anu ku qibaadah xisehiyya fanah afkunuk aben ken tekkek,

2 Aydaad 33:13

YALLI, Manasse abe dooqa oggoleeh, Yarusalaamal akah suge malikih gaca'gidih, Yarusalaam fan kaa gacse. Tohuk gexxaamah Manasse, YALLI dibuk Yalla kinnim yeexegeh.

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Ermiyaas 50:4

YALLI qagseh iyyemii, «Taham takku wayta saaku, Israayil kee Yuudah ummatta weeqah ximo caxak, yooy ken Dagelta kinnihiyyah goranah amaatelon.

Ermiyaas 51:50

YALLI isi maray Baabeloonul yanik iyyeemih, «Rabak raaqe maraw, gexay isillima. Akkel maadayina. Isinni baaxok taxxeereenimih niyak yoo makalina. Yarusalaam kaadu mahawweenina.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.