Ermiyaas 28:15 - NABUWWA KEE MALIKWA

^15-16 Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 28:15 Referans Kwoze

Ermiyaas 23:21

YALLI, «Anu a mara maruubinniyo. Farmo keenil maruubinniyo'mmay, tohuh ta mari farmo yi migaaqal baahaanamak maaseehedinnon. Sirrih, Yalli woh nek iyyeeh ah nek iyye 'yaanam uxih macabinnon.

Yacedkel 22:28

Nabuwwa qari irok noorat yaskute marih innah, ta umaaney takkehiyya yastureenih; able ween wacyi nubleh iyyaanaah, akke waytu waytam akkele iyyan. Toh Yallak geyne xaagu iyyan. Yoh tu gactek, anu tu keenik maxacciyo.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

1 Malikwa 22:23

Miikayhu ellecabol yaabak af edde cabemii, «Taway tekkem tamaha. Ku nabuwwa diraabat yaabiseh; koh tu gactek, YALLI kol oobisu waa bala kol yuckumeh» kaak iyye.

Ermiyaas 20:6

Too saaku koo kee ku kataysiisiy, atu sirrih woh ubleeh ah akkele akak axcuk sugtehiyya, Baabelon baaxo fan beeloonuuh; sarra tokkel rabetton. Magaq tokkel siinik akkele. Kok buxah marih agantah tonnal akkele› kok iyye» kaak exce.

Zakariyya 13:3

Tahak wadir ‹Nabi kinniyooh wacyi ubleeh, wonnah tanim akkele› iyya num yenek, kay ina kee kay abba, ‹YALLI edde yaabe wee yaabat yabteeh, dirab teceeh; tonna leemiik rabtam kol tan› kaak axcelon. Tonnah yan diraabat yaabah kaa yoobben waqdi, kay xaleena kinni way seefit kaa qidele.

Ermiyaas 28:11

Sarrak ummatak foocal iyyemii, «YALLI iyyeemih, ‹Malik Nabkadnessar mango ummatih fillal yabbixe madmad sinaamak elle kalu waam tama'nna. Ta namma sanatih addat, toh elle exce'nnal, abeyyo› 'yaanam iyye» iyye. Tohuk wadir Ermiyaas isi gexoh gexe.

Ermiyaas 7:8

«Makot sin beya marih yaabay tu xiqe sinnihiyya numma takkalen.

Ermiyaas 29:8

Toh lih kaadu siinik iyyaamah, ‹Yoo YALLAY Nabaamak Nabah, Israayil doore Dagelta kinnihiyya aylahu siinih akak kalam liyo. Toh macaay inteenik, ama nabuwwa-kinnino-iyya-mara kee, sarra takku waytam nanu naaxige iyya maray sin addal yanih yab maabbina. Ken yaabal maylahitina. Ama isin ken essertan soonoy oson nubleh iyyaanah hangi maacina.

Yacedkel 13:6

Oson ‹Nubleh› iyyan wacyi, dirab wacyi. ‹Akkele› iyyaanam, takku waytam hinna. ‹Siinih warisnam, YALLIH farmo› siinik iyyan. Toh keenik diraabaay; siinih warsaanam yi farmo hinna. Isinni amok yeyyeeqen yab akkelem keenit celta.

Yacedkel 13:9

Able ween wacyi ‹Nubleh› iyya maray sahda makot beyahiyyaw, sin digaalu waah an. Isinni baaxo fanah mataduuran. Yi mari mabloh maro hayu waa saaku, wokkel mageytimtan. Israayilih yooboke marih loowot magactan. Anu YALLA kinniyom too saaku yok aaxigetton» iyye.

Ermiyaas 23:31

Isinnih bahiten diraabak, ‹Yalli neh warse yaaba› iyya marak naqboyta kinniyom yok yaaxagoonay.