Ermiyaas 26:7 - NABUWWA KEE MALIKWA

^7-8 Seekaay nabuwwa kinnino iyya mara kee, wohuk kalah yan maray raqqa 'yehiyya inkih, qibaadah qarih addal ta farmoy YALLI Ermiyaasak warisa iyye keenih warisak suggu 'yeh gaba kale waqdi, xabba kaa heeniih, deero kaal aben. Sarrak, «Taway edde yaabak sugte yaabal rabi kol yamaate.

Ermiyaas 26:7 Referans Kwoze

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.