Ermiyaas 26:3 - NABUWWA KEE MALIKWA

³ A yab yaabben waqdi, edde sugen uma-taama cabaanam takkeh. Ta yab oobba haan waqdi, edde yanin umaanek raaqen ken tekkek, umaane keenil mabaahaay keenik abeyyo excem keenik maaba.

Ermiyaas 26:3 Referans Kwoze

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Ermiyaas 36:7

Macaay intek, YALLI, bagcarra keenil baahu waam edde keenih warseh yeneeh; too bagcarra cunxo keenit qiddeemih taagah, aben umaanek yaduureeniih YALLA kallacaanam takkeh» 'yaanam kaak iyye.

1 Malikwa 21:29

«Acab yoh elle rammita inna tubleh innaa? Yoh rammiteemih sabbatah, addunya bagul yanim fanah bala kaal moobisa. Takkay immay kay baxih waktil bala kay buxah maral oobiseyyo» iyye.

1 Malikwa 21:27

Eliyyas yaabak gaba kale waqdi, Acab sara isik qanxiseh baaxot qideeh, sartanah *qabuddat gace. Maaqo cineeh xiinih qabuddal gace. Tohuk wadir fooci kaak dattowwa 'yeh cisabbootak gexe.

Ermiyaas 26:13

Awayah tu gactek, edde tanin uma gitak uduuraay, YALLAY sin Dageltah yani siinik iyyem oobbeya. Toh abteenik, YALLI siinih loowe bala siinil moobisaay siinih racmatele.

Yacedkel 12:3

«Tonna'mmay, bani-adantow, seewah beyan mari akah aba'nnah, ifaanih akah duyye bicsitay safarah ugut. Away elle tan arac cabba hayteh gersi arac fanah gexxa waqdi, sahda inkih koo tabalay inxic. Ama makoleela koo table waqdi, cedeloonum takkeh.

Hosiqa 11:9

Siinih abah an naqabut sin mabaysa. Israayil ummatey, ahaysa sin mabaysa. Anu Yalla kinniyo ikkal, sahdaytu hinniyo. Taahirik yan Dagelta kinniyooh sin lih an. Ahaysa siinit mabagcarrita.

Ayyuqel 2:14

YALLAY sin Dagelta kinnihiyya siinih loowe digaalak yaduurem takkeh. Orbissan murtit barkat heeh, yaymaggem takkeh. Too saaku kamadi kee qinabak bicsen kamri sadgatah YALLAH aceetton.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Yacedkel 18:21

«Uma num dambi abitto cabba heeh, anu aba axcem abeeh, yi xinto inxicca 'tam kataatak, amaanat leeh gitah tanim abek, tonnal marabaay waarele.