Ermiyaas 25:7 - NABUWWA KEE MALIKWA

⁷ «YALLI, ‹Yi yab cinteeniih, duyye qibaadat gacteenimih sabbatah, yi bagcarra sin maadde; yi naqabu isinnih isinnil oobissen› 'yaanam siinik iyye» keenik iyye.

Ermiyaas 25:7 Referans Kwoze

2 Malikwa 21:15

Anu inni marak toh abeyyooh; toh keenik akah abu waam, ken kaxxa abbobti Masrik tewqem kee akkeh fanah yol dambi lem baaheeniih; ken sabbatah yi bagcarra lafitak lafitte» keenik iyye.

2 Malikwa 17:17

Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Ermiyaas 25:8

Kaadu qagseh keenik iyyemii, «YALLAY Nabaamak Nabahiyya siinik iyyamaa, ‹Yi yab cinteeniih; tohuk gexxaamah,

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 29:19

Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.