Ermiyaas 25:6 - NABUWWA KEE MALIKWA

⁶ ‹Yallak sa tu maqbudina. Isinni gabak bicissen duyye maqbudinaay, Yallih naqabu isinnil moobisina. YALLI aba siinik iyyem abteenik, Yallih digaalak cattiimetton› siinik iyyen.

Ermiyaas 25:6 Referans Kwoze

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

2 Malikwa 17:35

YALLI duma Israayil mara lih bica heeh yeneeh, amri kaadu keenil oobiseh suge. «Yok sa gersiimil maamanina. Yok sa gommoh qibaadah numuh maradina. Sadgat yi migaaqak kalihimil maabina. Yok kalihimih qibaada maabina.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

1 Malikwa 14:22

Yuudâ-mari dambi-lem YALLAL baahe. Ken kaxxa abbobtik fula YALLIH naqabu isinnil oobisen. Uma-taamat asen.

Yoosuwa 24:20

Kaa cabba hayteenih marin mari yaqbudem tuqbudeenik, gaba siinil qideeh sin digaalele. Duma siinih maquk sugaamah, sin baysele» keenik iyye.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Ermiyaas 32:30

Israayil kee Yuudâ-marih abto, yoo ruffu hayte saaku mali. Ken taama fiiruk geerah bagi-cararow yol tekkeh tan. Tahat yabtam yoo YALLA.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?