Ermiyaas 25:15 - NABUWWA KEE MALIKWA

¹⁵ Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 25:15 Referans Kwoze

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Yasaqya 51:23

Siinit xukkutak suge mari woo kobbaayak aaqubele. Woo mari, ‹Siinit taqqa inna'gidih baaxô-bagul inaaqita› siinik iyye waqdi, isin guddaafay ibah edde yaaqiteenih inna tekken. Tohih sabbatah, yok naqbi-kubbaayat aaqubelon» 'yaanam iyyah yan.

Ermiyaas 43:11

Masrit qeebi abeleeh, qeebil teetik aysele. Dalkah rabu waa mari keenik dalkah rabeleeh, seewah keenik beyoonu waan mari seewah gexele. Qeebit rabu waa mari keenik qeebit rabele.

Ermiyaas 46:1

YALLI doolatwah giddinaamak nabi Ermiyaasal oobise yab ah kaana.

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 49:12

Digaala akah aguude wayta mari diggalsimelek, siiniy umaanet asehiyya cattiimelem mannal takkaleenih? Digaala siinit akkelem taaxigeenimi.

Yacedkel 23:32

YALLAY Mulki lehiyya iyyeemih, «Ku maqanxa akak tooqobe kobbaayak aaqubetto. Too kobbaaya, nabna kee adda le kobbaayay kibuk tanih tani; tonna-leemiik ummat kaxxa anqas kee digirih koo haysitele.

Yacedkel 23:33

Too kobbaayay ku maqanxa Samaariya akak tooqobe, umaane kee cunxo addat le. Koo askiriseleeh koo biyaakele.

Yacedkel 29:12

Masri baaxo kulli baaxok lafitta 'ya bacari abeyyo. Masri magaalooli morootom sanatah abur abeyyo. Kulli magaalak abuuruh laffa tet heeyyo. Masri mara marin baaxo aysaarreyyooh, tokkel dabboh gacelon. Marin marih addal gacelon» iyye.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.

Yasaqya 14:26

Inkih yan baadak abam faxam tamahaay, baadal tan ummatta edde digaalu waa gaba fakeh» iyye.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 45:5

Hay, rooci lem inkih digaalu waa saaku, koh rikeek abu waam mayyu'mmay, faxe ikke gexxa way, gexinnaan baaxol kot rooci yasallamay axceyyo. Tonni faxeemi'mmay, kaxxa numuy migaq-gexxo le yoo ablele 'yaanamah yot maqaagin› 'yaanam kok iyye» kaak iyye.