Ermiyaas 23:31 - NABUWWA KEE MALIKWA

³¹ Isinnih bahiten diraabak, ‹Yalli neh warse yaaba› iyya marak naqboyta kinniyom yok yaaxagoonay.

Ermiyaas 23:31 Referans Kwoze

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

2 Aydaad 18:5

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad, Yalli nasri koh aceelek» kaak iyyen.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Ermiyaas 23:30

Nanu nabuwwa kinnino iyyaah, isinnih tittal yaceen diraabak ‹Akak noobbem Yalla› iyya marak, anu naqboyta kinniyo.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

1 Malikwa 22:11

Woo nabuwwak numuk teeni, Kanaqná-Xidkiya deqsita nabik ten. Too nabi, birtak-bicse gaysoosi luk yen. Iyyeemih, «YALLI ‹A gaysoosit Suuriyah marat qeebi abettoh inkitanuuk ken baysetto› kok iyya» kaak iyye.

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 28:17

Cananiya, YALLI akah iyye'nnah, too sanatak malcinhaytoh alsat edde rabe.