Ermiyaas 23:22 - NABUWWA KEE MALIKWA

²² Yi maroh addal, anu lih yaaba mara yakkeenimil, yi marah warisa keenik excem warisak yenen; away edde yanin umaane kee edde gexan uma gitak ken raaqisak yenen» 'yaanam iyye.

Ermiyaas 23:22 Referans Kwoze

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 23:18

Anu exceemi: «Ta maray nabuwwa kinnino iyyahiyyak addat inki numuy YALLIH maroh addal anuk YALLI lih yaabehiyya mayan. Inki numuy kay yab yoobbeeh warse mayan.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Yacedkel 3:17

«Bani-adantow, kok axceemih, Israayil marat dacayri hayu waam koo. Anu kok excem keenih warisaay, garci keenih kal.

Yacedkel 2:7

Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Ermiyaas 9:12

YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Yacedkel 13:5

Tiddigille gidaarwa siinih madacrisaanaay; woo gidaarwa nammeyhaak maxisan. Yallih-carbi siinit yakku waa saaku, kalalu siinih mayakkan.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Malaaki 2:6

Woo dabaanal sahda dirab hinna'mmay, numma ken barisak yenen. Yo'lih meqe innal gexsitak yenen. Mango maray makot gexa yubleenik, meqe fayuh ken fayisakaay, meqe taama fanah akah yaduuren innah keenik abak yenen.