Ermiyaas 23:16 - NABUWWA KEE MALIKWA

¹⁶ «Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Ermiyaas 23:16 Referans Kwoze

Ermiyaas 14:14

Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Yacedkel 13:6

Oson ‹Nubleh› iyyan wacyi, dirab wacyi. ‹Akkele› iyyaanam, takku waytam hinna. ‹Siinih warisnam, YALLIH farmo› siinik iyyan. Toh keenik diraabaay; siinih warsaanam yi farmo hinna. Isinni amok yeyyeeqen yab akkelem keenit celta.

Yacedkel 13:3

Yoo YALLAY Mulki lehiyya axceemih: able ween wacyi ‹Nuble› iyyan. Isinni amok yeyyeeqen yaabal, ‹Woh akkele ah akkele› iyyan. Oson duquuraay; kenim tekkeh!

Ermiyaas 23:21

YALLI, «Anu a mara maruubinniyo. Farmo keenil maruubinniyo'mmay, tohuh ta mari farmo yi migaaqal baahaanamak maaseehedinnon. Sirrih, Yalli woh nek iyyeeh ah nek iyye 'yaanam uxih macabinnon.

2 Malikwa 17:15

Tu xiqe sinni xeet kee cooxuy gabak bicseenihiyya yaqbudeeniih, isinnih kaadu tu xiqe sinni mara yekken. YALLI keenih kale aylahut baaqid luk manannoonuy; usuk keenil oobise amri cineeniih, ken kaxxa abbobti lih hee bica xaguroonu cineenih. Toh cabba heenih ken dariifal tan baaxooxah maray YALLI «Oson abeenim maabina» keenik akak iyyehiyya abaanam baahen. YALLI aba iyyem cineenih.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Ermiyaas 23:26

Ta mari ta dirab kee duquurusiyyal, yi mara yok yayxeeroonuh taqba mara kinnon. Annah tanim magide fan akkuk sugelee?

Yacedkel 22:28

Nabuwwa qari irok noorat yaskute marih innah, ta umaaney takkehiyya yastureenih; able ween wacyi nubleh iyyaanaah, akke waytu waytam akkele iyyan. Toh Yallak geyne xaagu iyyan. Yoh tu gactek, anu tu keenik maxacciyo.

Yacedkel 13:23

Tahaysa able wayten wacyiy ‹Nubleh› intaanahiyya kee, akke waytu waytaamay ‹Akkele› axcuk dirab akak teceenihiyyah dirab gaba kaleh. Anu YALLA kinniyom yok elle taaxigeeni'gidih, inni mara sin gabak currih ayyaaqeyyo» iyya.

Yacedkel 13:16

Ane waah yan amaanah ‹Amaan yani› axcuk, Yarusalaam maral dirab yecee mari too saaku masuga. Tahat yabtam yoo YALLAY Mulki lehiyya» 'yaanam yok iyye.

Ermiyaas 29:8

Toh lih kaadu siinik iyyaamah, ‹Yoo YALLAY Nabaamak Nabah, Israayil doore Dagelta kinnihiyya aylahu siinih akak kalam liyo. Toh macaay inteenik, ama nabuwwa-kinnino-iyya-mara kee, sarra takku waytam nanu naaxige iyya maray sin addal yanih yab maabbina. Ken yaabal maylahitina. Ama isin ken essertan soonoy oson nubleh iyyaanah hangi maacina.

Ermiyaas 9:20

Ermiyaas iyyemii, «Taway isin kaadu agabow, YALLIH qangara ankacca haa. Usuk iyyam cubbusay. Xaylo weeqa elle aban inna barisa! Sin innah yan agabu kaadu rabe marah weeqa elle abeh meqe'nna barisa.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 9:12

YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

1 Malikwa 22:11

Woo nabuwwak numuk teeni, Kanaqná-Xidkiya deqsita nabik ten. Too nabi, birtak-bicse gaysoosi luk yen. Iyyeemih, «YALLI ‹A gaysoosit Suuriyah marat qeebi abettoh inkitanuuk ken baysetto› kok iyya» kaak iyye.

2 Aydaad 18:5

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad, Yalli nasri koh aceelek» kaak iyyen.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.