Ermiyaas 23:10 - NABUWWA KEE MALIKWA

¹⁰ Baaxo inkih YALLAL luk sugen imaan cabe marak temegge. Abaarô-sabbatah baaxo kafteh; rookat tan. Lacti qayso luk teneeh, lac elle alooluk yen baaxo kafteh. YALLAL luk sugen imaan keenik yeerreh; umam aban. Lon abbootanat gita maliinoh tanim aban» iyye.

Ermiyaas 23:10 Referans Kwoze

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:2

Yi mari YALLAL luk sugen imaan cabe maray sinam gana kinnoonumih sabbatah, keenik xer baaxo geyaamal faxe raareh an. Mafdagay yi marak elle axxeerehiyya faxe raare» 'yaanam iyye.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Yasaqya 24:6

Tonna-leemiik Yallih-abaaro addunyal obte. Tet bagul yan mari akah biyaakitam, isinnih aben umaane. Addunyâ-bagul yan mari isih abe umaanek gexxaamah, bayak maaciseleeh dago mari raaqele.

Ayyuqel 1:10

Buqre elle abak yenen baaxol buqre matakkaay, baaxo foyyah raqta. Macaay inteenik, aabakuk ten daro bayteeh; qinab xaylo kaffa karacca inteeh; zeyti (saliid) akak bicsan xaylo xalak yen coox kafe.

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Yasaqya 5:18

Diraabat yaabah dambik raaqu duude waa maraw, woyyow, siinit takku waytaamow! Edde yabtan dirab umaane siinih xalele.

Ermiyaas 9:12

YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

Ermiyaas 12:11

Baaxo yok bakarroyta aben. Lac sinniih num sinni baaxo tet aben. Inkih yan rasi abuuruy sahda elle deedalta yekkeh; tohuk tu iyya mari mayan.

Hosiqa 7:4

Ummat inkih makô-mara tekkeeh, yaamineenim cabteh. Oson, gaqambo elle alaysaana'gidih yoskonoonocen giray barge waytahiyyah bis lon.

Qedra 10:18

Marin marah yooboke agabu ginnaaqot abbaxuk suge marih migaq ah kaana. Seekak marin marah yooboke agabu ginnaaqot abbaxuk sugtem, Maqseyaahu kee Elqeeder kee Yaarib kee Gedalya deqsitta labha. Too mari Yahuuxadák-Yaasuwa kee kay toobokok rade marak ten.

Ermiyaas 6:13

Ken umaane ah teeti. Qunxa num kee kaxxa num keenik inkih dulmih lakqo sinaamak beyan. Nabuwwa kee seeka kinni way dirab kee deedalat sinam ayrisan.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.