Ermiyaas 22:7 - NABUWWA KEE MALIKWA

⁷ Anu malik-qarih ruubu waa mari, godmat aagaruk, kaat tan qamidway *sariidak bicseeni kitittiffa heeloonuh, girat qidelon.

Ermiyaas 22:7 Referans Kwoze

Yasaqya 37:24

Farmo elle rubte maral Yallih-qayto ruubak sugte. ‹Faras-gaariirat gacca inneh, yoo kee yi qaskar Lubnaan qaleelay fayya le awaquk sugne. Lubnaan qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten *sariida ragidik irgiqe. Qalek kaxxam xer ikkel tan kaxxa garbo fanah gufeh en.

Ermiyaas 21:14

Bahte umaaneh koo digaaleyyo. Malik qariy ku addal yanit gira ruubeyyo. Too gira kulli'kket gexeleeh, kullim gomboduh gacissa heele. Tahat yabtam yoo YALLA› 'yaanam yok iyye» iyye.

Zakariyya 11:1

Lubnaaney, afa fak! Sarid cooxuy ku addal yanit gira gexxa'gidih afa fak.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.