Ermiyaas 22:14 - NABUWWA KEE MALIKWA

¹⁴ «Dabqah elle gaca'gidih kaxxa qari xissiteyyo. Amol akak kaxxam naba roosan xiseyyo. Bagu naba taagoota edde heeyyo. Adda akak qaxmeqe luucaanay sariidak bicissa heeh, bagu akak qasa kalamat askuteyyo» iyya numow, kum tekkeh!

Ermiyaas 22:14 Referans Kwoze

2 Samuwel 7:2

Ayrok teena Dawud, Nabi Naatanak iyyeemih, «Anu akkel, akah table'nnah, innih sariidâ-cooxuk bicsen qarih addal ani'mmay, Yallih Qahdih Sandug uxih siraq addat yanik; ahak maca abam taysee?» iyye.

Caggay 1:4

‹Yi qariy yoo elle taqbudeeni abuuruh elle yani'kkel, isin isinnih meqe xisneh xissitten qarwat gactaanam celtam kinni?

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Yasaqya 9:9

Israayil ummatta kee Samaariyah magaalal yan mari, kaxxiina kee anaani xagarat hayya heeh, «Kallak bicsen xisne tiddigilleh immay wokke xeetik bicsen xisne ciggiilisenno. Sublâ-cooxuk bicsen qarwa tiddigilleh immay, wokke nabam meqe sariidak bicsen qarwa ciggiilisenno» iyyaana'mmay, oson inkih takku waytam Yallih cokmi kinnim aaxigelon.

2 Aydaad 3:5

Qibaadâ-Qarik kaxxa qarih bagu saagan-cooxut exfeenih yenen. Too saaganak bagu nabam qax-meqe dahabat exfeenih yenen. Too dahabak bagul mango nakliita kee silsilatwa tasaawir heenih yenen.

Yacedkel 23:14

«Dalwat bisoh gexak gexxe. Baabelon qaskar abbobtih ceeloy gidaar bagul taswiirih yanihiyya tuble waqdi, kacni tet yibbixe. Too mari kaxxa qisi le sara kee booruy axcal isinnik malmaaleenihiyya kee qax-meqe qumaamat amot luk yenen.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.