Ermiyaas 21:1 - NABUWWA KEE MALIKWA

^1-2 Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 21:1 Referans Kwoze

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

Ermiyaas 52:24

Qaskar abbah yen Nabudardan, wohuk kalah, Seraaya deqsita kaxxa sek kee, Seraayal kataata nammeyhaytô-seekiy migaaqah Xafanya deqsitahiyya kee, Yallih Qibaadah-Qarih afal dacayrih tan qaskarih sidoc kee,

Ermiyaas 38:1

Mattán-Safatya kee Fascúr-Gedalya kee Selemyâ-Yahukal kee Malkiyâ-Fascur, YALLI iyyem Ermiyaas ummatah warisah yoobben.

Ermiyaas 37:1

Baabelon-malikih yen Nabkadnessar baaxo yibbixek lakal, Yahoyaakím-Yahoyaasiniy malikih sugehiyyah aracal, Yoosiyaahû-Xidkiya Yuudâ-malikih hee.

1 Aydaad 9:12

Wohuk kalah kaadu seekah yooboke marak Yaroocám-Qadaaya kee Qadiyél-Maqsay deqsita mari Yarusalaamal gace. Qadaayak kaxxa-abba Fascur deqsitak yeneeh; Fascur Malkiyâ-baxak ten. Maqsayak kaxxa-abba Yacdeera deqsitak yen. Yacdeera Masullam-baxaay, Masullam Masilleemit-baxaay, Masilleemit Immar-baxak ten.

Nacmiya 11:12

Ta mari akak rade gulubuy Yallih Qibaadah-Qarih addal taamitak yenehiyyak Yarusalaam magaalal dabaaqah gactem, tittat bacra bool kee labaatanna kee namma numuk ten. Ta marak kalah seekak Yarusalaamal dabaaqah gactem, Qadaaya deqsita seekik ten. Ta seekik abba Yaroocam deqsita numuk teneeh, Yaroocam abba Falalya deqsita numuk ten. Ta num akak radem, Amxi kee Zakariyya kee Fascur kee Malkiya deqsita numuk ten.

1 Aydaad 3:15

Yoosiyaahu lab-xaylok ferey xaleeh; Yocanan kee Yahoyaakim kee Xidkiya kee Sallum deqsitak yenen.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Ermiyaas 29:29

Sarra Xafanya too warkatal tanim yoh yikriyeh.

Ermiyaas 37:7

too qangaral YALLAY Israayil doore Dagelta kinnihiyya iyyeemih, «Ama Yuudâ-malikiy Yalla neh kallac kok iyyehiyyak intaamah, ‹Masri-qaskar ku catoh tamaateeh gitat tani'mmay wadir gacele.

Ermiyaas 37:17

Ayrok teena Malik-Xidkiya isi buxa kaa baaha iyyeeh, tokkel dibuk tani'kkel, «YALLAK temeete farmoh maca tan?» kaak iyye. Ermiyaas kaak iyyeemih, «Farmo tanih. Koo Baabelon malikih gabal heelon» kaak iyye.

Ermiyaas 38:14

Ayrok teena malik Xidkiya YALLIH Qibaadah-Qari akak culan afak sidochaytoh afa fan kaa bahsiise. Tokkel kaak iyyeemih, «Koo esseram faxam liyok, nummat yo'lih yaabe mantuu?» kaak iyye.

2 Malikwa 22:13

Keenik iyyeemih, «Gexay yoo kee inkih tan Yuudah ummatta tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti YALLI iyyeemiy a kitaabal tanihiyya abe weenimih sabbatah, YALLAK naqbi nee geeh yan» iyye.

Ermiyaas 35:4

yakkeenimiik YALLIH Qibaadah-Qari fan ken baahe. Qibaadâ-Qarik Yigdalyaahû-Caanan deqsita nabih darsa edde ten golih adda ken culse. Too goli Qibaadâ-Qarik saqoltih yan mari le golik xaqut yeneeh, kaadu Sallúm-Maqseyaahu deqsita numih golik daga raaqa golik ten. Maqseyaahu Yallih Qibaadah-Qarih taamat kaxxa arac le numuk ten.