Ermiyaas 20:10 - NABUWWA KEE MALIKWA

¹⁰ Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 20:10 Referans Kwoze

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Yacedkel 22:9

Yarusalaamey, ku addal yan marak garab, sahda qidsiisa'gidih diraabat yaaba. Marak garab kaadu xeet kee cooxuk bicsen duyyeh sadgatah qiden saqih cado yakmen. Marak garab dalwah abtot agxita.

Ermiyaas 6:25

Barri genxu manalliila; gitittel ibah genxam kaadu manalliila. Macaay inteenik, ni naqboytit silac leeh, kulli ikkel nee meysiisaanaah marot nee yabbixen» iyyen.

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 19:2

Too waqdi is Eliyyasah farmo rubteeh kaak intemii, «Beera ta uddur atu nabuwwak abba haytem kok abe week, yallitte foyya yoo abtay» inte.

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

1 Malikwa 22:8

Acab iyyeemih, «Inki numuy Yimla-Miikayhu deqsitahiyya yani'mmay, usuk kulli way umam akke waytek meqem yoh mayablaay, tonna-leemik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 20:3

Too digaalak gaba yok kalen waqdi, saaku sek Fascur yemeeteh casbih edde suge namma caxxih fanak yoo kalla heeh yoo yeyyeeqeh. Too waqdi kaak excemii, «Ahak wadir YALLI koh yeyyeeqe migaq Fascur hinnay Magor-Missabib deqsita migaaqa» kaak exce. (Magor-Missabib 'yaanam Kulli-ikkel-cunxo-qide 'yaanama.)

Ermiyaas 37:13

Takkay immay Benyam-Culma deqsitta afa gufe waqdi, dacayrih wokket yan marak abbah suge numuy migaaqah Selemyâ-Yiriyya deqsitaah Cananya deqsita numuk baxi-baxah yamaatehiyya, «Atu Baabelon-qaskarih-kabut gactem hinna!» kaak iyyeeh; casbit kaa hee.

Daaniyel 6:4

Tohih sabbatah kaa'lih sinam wagittot heen mara kee baaxoh abbobti, Daaniyel baaxo meqe'nnal xiinisuh abah yan taamat qellat kaak geyaanamih goranat gacen. Takkay immay Daaniyel qellat kee ayrisiyya celtaamak tu'bagul geytimak manannay, tonna leemiik hebeltô-qellat kaat magennon.