Ermiyaas 2:8 - NABUWWA KEE MALIKWA

⁸ Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 2:8 Referans Kwoze

Cabakkuk 2:18

A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Ermiyaas 10:21

Too waqdi anu keenik excemii, «Nek saqoltih yan mari xangi-maleela kinnon. YALLAK, ‹YALLAW gita atu nee uybulluy› maxaccinnon. Ni marat ah akah tekkeeh, fixix ken akah yibbixem tohu.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 7:8

«Makot sin beya marih yaabay tu xiqe sinnihiyya numma takkalen.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 2:11

Too mari dumaak yalla 'yeenih aqbuduk sugen duyyey isinni gabak bicseenihiyyal uxih yaamineeniih, akak makorsitinnon. Isin yi maraw, siinih tu gactek yooy naba Dagelta kinnihiyya cabba hayteenih tu xiqe sinniimih qibaadat gacten.

Ermiyaas 2:6

‹Masrik addak nee eyyeqqa heeh goloola kee bacarih tan baaxoy num sinniih lac sinniih gibdaabina leeh bakarroytah tanihiyyak addak isih foocat nek gacca 'yeh nee baahe Dagelti maca abeh?› maxacinnon. Yoo hawweeneeniih caagid yot mallinnon.

Yasaqya 30:5

Yuudâ-mari cato faxak maacisu waa saaku, Masri marih cato soono kinnim ablelon. Too waqdi, ‹A maray tuxxiq sinnil cato macah esserre?› 'yaanamal kaxxam nadaamitelon» iyye.

Yasaqya 29:10

YALLI kaxxa xin siinil ruube. Nabuwwa sahdah addah inti takkem faxxiimak ten. Takkay immay YALLI namma inti keenik alfeh. Sirri yable mari sahdah kas kee misinkaca yakkeenim faxxiimak ten. Takkay immay YALLI misinkaca keenik alfeh tut rade ken kaleh.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

1 Malikwa 18:40

Eliyyas too waqdi, «Baqal-nabuwwa ibbixaay baaha. Num keenik gexe kalay ken baaha» iyye. Ummatta woo nabuwwa inkih tibbixeeh; too waqdi Eliyyas, Kisyon-weeqaytu fan beyya ken heeh, weeqayti-garil ken qidsiise.

1 Malikwa 18:29

Carri barih sadgat edde aban waktih fanah waxxaq axcukuuy goroorocitak sugen. Takkay immay tu keenil gacissam magennoonuuy; hebeltoh anay mantabbinna.

1 Malikwa 18:22

Tohuk lakal Eliyyas iyyemii, «YALLIH nabuwwak raqtem dibuk yoo. Baqal-nabuwwaay affara bool kee kontom takke.

1 Samuwel 12:21

Gabak bicsen duyyey tu akke waytaah tu xiqe sinnihiyya maqbudina. Tu xiqe wayta duyye, umaane siinit takke way, siinih xiqtam mali.

1 Samuwel 2:12

Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Yacedkel 34:2

Bani-adantow, Israayil abbobtit takku waytam keenih waris. Keenit takku waytam keenih warisaay keenik intaamah: YALLAY Mulki lehiyya siinik iyyaamah, «Israayil-loynittey, finqi sin yibbixeh! Isinni amo wagittaanah illi amo mawagittan.