Ermiyaas 2:18 - NABUWWA KEE MALIKWA

¹⁸ Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

Ermiyaas 2:18 Referans Kwoze

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Yacedkel 17:15

Takkay immay Yuudâ-malik qeebi kaat abuh ugteeh, Masri malikih farmo ruube. ‹Mango qaskar kee faaris yoh rub› 'yaanam kaah ruube. Tonna'mmay yakkaleh ikkal elle yakkale'nnal, annah tanim aba num yasillimu maay duudaa? Yalla-kee-xagana make num maay yasillimee?» iyye.

Yasaqya 7:20

«Toh takku wayta saaku YALLI, xagor sinaamak moola Assuuriyah malik, Furaat weeqaytuk woo kabuk siinit ruubele. Too num deben kee amô-xagor kee xagaral yan xagor inkih siinik moolele.

Yasaqya 23:3

Masrik orobta tellemmô-daro Suur magaala amaatuk sugteeh; baadal tan ummat duyye elle yaylammeeniih xaamaanam ta magaalak sugte.

Yacedkel 16:28

Assuuriyah mara lih kaadu dalwa abte. Ken mareytá tekke'mmay, koo cayisoonu yeffereenih.

2 Aydaad 28:16

Edom mari qagteh yemeeteeh, Yuudâ-marat qeebi aben. Sinam seewah been. Too saaku Malik Acad Assuuriyah malikik, «Yoo cata» 'yaanamih farmo ruube.

Ermiyaas 31:22

Imaan-maleelay, ahaysa namma kalbi caba. Dumah akke waytem bicsam faxa. Toh macaay inteenik, barra labhaytu dacrissu wayta wakti baaheyyo» 'yaanam iyye.

Yacedkel 23:30

Dalwa fayxi kee abteh tan xiiqareh xinto, amahah koo tecee. Kulli baaxoh mari tu edde faxa kacba tekkeeh; xeet kee cooxuk bicsen duyyeh qibaadat nadaasa is abte.