Ermiyaas 2:13 - NABUWWA KEE MALIKWA

¹³ Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:13 Referans Kwoze

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 2:11

Too mari dumaak yalla 'yeenih aqbuduk sugen duyyey isinni gabak bicseenihiyyal uxih yaamineeniih, akak makorsitinnon. Isin yi maraw, siinih tu gactek yooy naba Dagelta kinnihiyya cabba hayteenih tu xiqe sinniimih qibaadat gacten.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yasaqya 5:13

Kaa mataaxigan. Tonna-leemiik, casbit yan marih innal sin beelon. Sin miraacisa mari qululuh ambaxele. Raqqa 'ye mari bakaarah ambaxele.

Yasaqya 1:3

Laahi is le mara yaaxigeeh; danoona ken yeddere mari qayso keenih elle yecee arac taaxigeh immay, Israayil maray yi mara kinnihiyya ta gide yaaxagu yeffereh. Tahat radoonu cineenih» iyye.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 2:26

«Anu siinik axceemih: Garqi, garqot kaa yabbixen waqdi, qaybit elle rada'nnal, Israayil maraw, isin kaadu takkeenimik qaybit radetton. Sin kee sin malikiiy sin doolatak kaxxa mara kee sin seekaay sin nabuwwa inkih qaybit radele.

Makaabon 10:13

Hay, yooy toh siinih abah yanihiyya cabba hayteenih xeet kee cooxuk bicsen tumammeh qibaadat gacteenik, tahak wadir tu siinit takkeemih sin macataay;

Miika 6:3

YALLI iyyaamah, «Yi maraw, anu siinil baahem macaay? Anu siinil quuka elle ekkem manna? Siinil quuka elle ekke inna yoh warisay!

Miika 2:8

Takkay immay isin yi marak naqboytit tekken. Ummat carbik isi buxa taduure waqdi, amaanah sugelem akkaluk yamaateeni'mmay, oson lon sartan bukkoh keenik beytan.

Ermiyaas 5:26

Yi marih addat uma mari yan. Ta mari oflot-kimbir-yabbixem-faxa-marih innah raarisan. Oflot yabbixeenim faxaanam sinaama'kkal, kimbir hinna.

Yasaqya 12:3

Xamcin leey, sillaateh tanik yooqobe num ruffo geya. Yallih wadu geytan waqdi, isin tonnah ruffu axcetton.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Yacedkel 47:1

Woo num Yallih Qibaadah Qarih culma fan yoo gacse. Too culmak lee awaquk teneeh; too lee Qibaadâ-Qarik exxak teenay gabbi-qaxat raqtahiyyak amma 'teh sadgat elle aban aracak gabbi-qaxa le kabu darah gexak, ayrô-mawqa le kabuy Qibaadâ-Qari edde yafkunehiyya fanah darah oobak ten.

Zakariyya 13:1

YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yacedkel 14:5

Toh akah abam, yol akah yaduuren innah keenik aba'gidi. Israayil mara yok teyxeerem, oson yaqbuden xeet kee cooxu.