Ermiyaas 2:11 - NABUWWA KEE MALIKWA

¹¹ Too mari dumaak yalla 'yeenih aqbuduk sugen duyyey isinni gabak bicseenihiyyal uxih yaamineeniih, akak makorsitinnon. Isin yi maraw, siinih tu gactek yooy naba Dagelta kinnihiyya cabba hayteenih tu xiqe sinniimih qibaadat gacten.

Ermiyaas 2:11 Referans Kwoze

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Ermiyaas 16:20

Sahdayti isi Dagelta isi gabak bicsam, bictam hinna'mmay, ni abbobti toh abak sugte. Gabak bicsen duyye Yalla matakka› 'yaanam axcelon» exce.

Miika 4:5

Gersi baaxoh mari Yallih aftok gersim yaqbudeeh ken gita kataya. Neh tu gactek, kulli way YALLAY ni Dageltah yani aqbudennooh; kay yab aabbenno.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

1 Samuwel 4:21

Tonna'mmay sarrak qandeh yabteeh, «Yallih Qahdi addat akak yan Sandug beenik wadir, nabna Israayil rasuk teerreh» axcuk, yooboke awkak migaaqah «Ikabod» inte. Tohuk maqna nabna Israayilik teerreh 'yaanama. Toh akah intem Yallih Qahdi addat akak yan Sandug kee tet ballu kee baqala rabtem toobbeh teneeh, tohuh inte.

2 Aydaad 13:9

YALLIH seekay Haaruunuk raddehiyya baaxok xiiriyteenih Leewih yooboke mara kaadu baaxok teyyeeqeenih, ken aftok Yalla maleela akah abta innah, isinnih dooritten maray seekâ-samad alle waahiyya yallah liton duyyeeya elle taqbuden aracal seekah haysitten. Dahaltu kee malcina maruw baahinnaan numuk, ‹Isin seeka tekkeenih› intan.

Ermiyaas 5:7

YALLI siinik iyyeemihii, «Isin yi mara kinniton immay yoo cabba hayteenih gabak bicsen duyyek Yalla inteeniih taqbudeenik, tohoysa qafu mannal siinih axce? Maaqok nagay sin adoobiseeh, rike siinit macabinniyo'mmay caraamuk aade cinteeniih, xiiqareh-xiinâ-buxaaxi dabaaqah haysitten.

Ermiyaas 18:13

YALLI iyyemii, «Israayil rasul ahayduma akke waytem tekkeh tan. Lubnaan rasul tan qaleelah amol arroqle kibuk suge wayta ayro masuginna. Woo qaleelah baguk lee darah oobe wayta saaki masuginna. Annah tanim kulli way taniimiiy qusbam hinna. Yi marah tu gactek, qusbaamay ceele waytahiyyat aseh yan. Ahayduma sinam abe wayteeh, aabbe wayteemit aseh yan. Toh macaay inteenik, Israayil mari edde asem, uma yabulih taniimi.

Yacedkel 5:7

Away Yarusalaamey, yoo YALLAY Mulki lehiyya kok iyyam ankacis. Yi amri cinteeh yi yab bursuttehiiy; tonna-leemiik kok dariifal tan baaxok lafitta umaane bahte. Oson abuk-raqtih luk sugen qaada keenik kaxxih qaadah haysitte.

Yacedkel 14:5

Toh akah abam, yol akah yaduuren innah keenik aba'gidi. Israayil mara yok teyxeerem, oson yaqbuden xeet kee cooxu.

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

2 Malikwa 1:3

Takkay immay YALLIH malaykatti Tisbâ-rasih nabih yen Eliyyasal amri oobiseeh, kaak iyyeemih, «Gexay Malik-Acadya farmoh ruube marat mataray, ‹Ekron-magaalal yaqbuden Baqal-Dabub fan macah gexxaanaah? Israayil-rasul Yalli mayanam maay takkalee?› keenik inxicaay,