Ermiyaas 19:9 - NABUWWA KEE MALIKWA

⁹ Ken naqboytiitiy ken selam faxxahiyya keenit ruubeyyo. Too mari magaala marot keenik heeleeh, akak yawqen afa mageyan. Tohuk gexxaamah xaleena xaylok cado akmele. Mari marin cado maaqoh keenik akmelem keenih waris› » yok iyye.

Ermiyaas 19:9 Referans Kwoze

Yasaqya 9:20

Inkih tan baaxol ummatta maaqo tittak bukkusseeh; maaqok geennaan im yakmeeni'mmay tohuh macayyan. Isinni gabah cado kinni way yokmen.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

2 Malikwa 25:3

Tohih sabbatah magaalal kaxxa qulul radeeh; ellecabol too sanatak fereyhaytoh alsak sagalhaytoh ayro ummatak maaqo tembexeeh, magaalal xagaanam waytinteh.

Ermiyaas 38:9

«Malikow, a mari abem gitah tanim hinna. Nabi Ermiyaas birkatat qideeniih; magaalah addal sahda dudda maaqo elle deedalta'kkel, qeeli addat qululuh rabam faxa» 'yaanam iyye.