Ermiyaas 18:17 - NABUWWA KEE MALIKWA

¹⁷ Ayrô-mawqa le kabuk silsa caacay siisa gabat elle beya'nnal, inni mara, ken niqbah yan naqboytiitih foocal tonnal beeyyooh, fixixiseyyo. Too bala keenil oobisu waa waqdi, darre keenit cabeyyooh, ken able waah innah gaceyyo» iyye.

Ermiyaas 18:17 Referans Kwoze

Ermiyaas 13:24

Bacarih tan baaxol silisa caacay caffa elle beya'nnal, sin beeyyo.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Ermiyaas 46:21

Oson maalut xaamen qaskar arooduh awur innah gacteh tani'mmay, qeebil masoolaanaay, awyah hayya heeloonu'kkal, qeebi maaban. Edde digaalimoonu waan ayroy YALLI bala keenil oobisu waahiyya xayyowteh.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Yacedkel 7:22

Yoo elle yaqbuden yi qari nadaasa abah ableemih, tu elle magacsa. Qamalli adda culla 'yeh nadaasa abeh cabaamah tu akak maxca, keenik inxic» yok iyye.

Yacedkel 27:26

Seebit koo beya mari bad fanah koo beeh, ayrô-mawqak yamaateh yan caacay badak gudel butukku koo hee.