Ermiyaas 17:8 - NABUWWA KEE MALIKWA

⁸ Too num buyyi garil yuysubuken caxay ramid akak lee guftahiyyah bis le. Tannah tan caxa cagay yamaateemih makafta. Ayyuufi akak kulli way anxaxini. Qabar yabbixeemih makafta. Xaylo kulli way xalta.

Ermiyaas 17:8 Referans Kwoze

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yacedkel 47:12

Weeqaytuk namma xaqul maaqo akak geyan coox aabukele. Too cooxuk ayyuufi malaqaymuuma; kulli alsal xalele. Ta coox Qibaadâ-Qarih gubak racta lee yaaqubeemih sabbatah, kulli way xaylo xalele. A coox xala xaylo maaqo sinaamah akkeleeh, ayyuufi dayla sinaamah akkele» iyye.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

Ermiyaas 39:18

Amaanah koo raaqiseyyooh; koo maqidan. Yoo taamineemih sabbatah amaanah asillimetto. Tahat yabtam yoo YALLA› 'yaanam kaak inxic» kaak iyyeh yen.

Yacedkel 31:3

Ceelalloh, Assuuriya Lubnaan-rasul tooboke caxay mango ludway silal meqehiyya leeh, xexxaarah qamburre guftahiyyah bis luk sugte.