Ermiyaas 15:4 - NABUWWA KEE MALIKWA

⁴ Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Ermiyaas 15:4 Referans Kwoze

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Yacedkel 23:46

YALLAY Mulki lehiyya iyyeemih, «Cunxo keenit qiddu waytaah, ken buubtu wayta butta uguugusay keenit ruuba.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

2 Malikwa 21:2

Manasse, Israayil-mari yamaateenik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh, YALLAL dambi lem baahe.

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

2 Malikwa 21:1

Manasse malik yekke saaku qumrik taban kee namma karmat yen. Sarrak Yarusalaam magaalal kontom kee koona sanatah malikih suge. Kay ina migaaqah Cifxiba deqsitak ten.

2 Aydaad 33:1

Manasse malik yekke saaku qumrik taban kee namma karmat yen. Sarrak Yarusalaam magaalal kontom kee koona sanatah malikih suge.

2 Aydaad 33:2

Manasse, Israayil-mari yamaateemik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh; YALLAL dambi lem baahe.

Yacedkel 18:19

«Hay, baxi abba baahe umaaneh akah diggalsime waam macaay intan siini? Kay baxi gitah tanim abakaay, anu ‹Ab› kaak excem abak, yi xintol tanim duudusak suge. Tonna leemiik usuk waarele ikkal, abba baahe dambih maraba.

2 Malikwa 21:15

Anu inni marak toh abeyyooh; toh keenik akah abu waam, ken kaxxa abbobti Masrik tewqem kee akkeh fanah yol dambi lem baaheeniih; ken sabbatah yi bagcarra lafitak lafitte» keenik iyye.