Ermiyaas 14:4 - NABUWWA KEE MALIKWA

⁴ Robti waytih baaxo kaffa karacca 'ye. Tohuk gexxaamah, buqre aba marak niya tiddigilleh; aban wacarriyik gexxaamah, fooca isinnik reebisan.

Ermiyaas 14:4 Referans Kwoze

Ayyuqel 1:11

Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ayyuqel 1:17

Buqreh qiden dariyyi leê waytih kafe. Daanisen daro masugta. Daro edde daanisak yenen riigittet daro ane waytaamih sabbatah, riigitte finqitte.

Ermiyaas 2:37

Masri addak wacarriyih gamoomak awqetton. Anu isin elle teemenen mara siinik cineh. Tonnal oson siinih tu xiqe waa mara akkelon» 'yaanam YALLI siinik iyya.

Qaamus 4:8

Tohuk gexxaamah, mango magaaloolih mari kaxxa bakar ken yibbixe waqdi, lee elle geeloonum yekkelen magaala gexeeni'mmay, lee elle magennon. Toh inkih abalih yol maaduurinniton.