Ermiyaas 14:19 - NABUWWA KEE MALIKWA

¹⁹ Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 14:19 Referans Kwoze

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Ermiyaas 6:30

Yoo YALLI a mara cineemih sabbatah, ‹Tu xiqe wayta lakqo› deqsitelon» iyye.

Ermiyaas 30:13

Siinih yaaba mara mageytan; ama liton daleh dayla mageytan; biyaakak murtan.

Ermiyaas 15:18

Hay ta gideh biyak yot akah yakkem macaa? Liyoh an dale yok akah ure waytam macaay? Cagay kafa buyyih innah, foyyal yoo cabtam maay faxxaa?» 'yaanam exce.

Ermiyaas 12:8

Inni maray innih doorehiyya a saaku yi naqboytiitik maacisen. Garboh addat suge lubak yol yekkeeniih, tohuk gexxaamah yi naqabu yussukuqen.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Ermiyaas 7:29

«Tohuk gaba kalta waqdi intaamah, ‹Yarusalaam magaalah ummatey, rookita! Amo isinnik moolay muxcah caba. Molten amoh xagorta baaxot qida! Yoo YALLI bagcarriteeh inni mara cineemih sabbatah qaleeli amol keenih weeqay rabe marah abak yenen booge keenih aba› inxic.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Ermiyaas 12:7

YALLI iyyemii, «Anu Israayil marak obboodeh; innih doorite marat darre cabeh an. Ken kiciyyoh immay ken naqboytiitih gabal ken haah an.

Miika 1:12

YALLI Yarusalaamal bala oobisu waa saaki yoofeh yan. Tohuk gexxaamah Maarot magaalal yan mari maqaaneh raksitaana'mmay waaga kee cisaabat yanin.

Ermiyaas 30:12

YALLI kaadu iyyeemih, «Abten mudum akak urtan mudum hinna. Sin dale urta dale hinna.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.