Ermiyaas 13:14 - NABUWWA KEE MALIKWA

¹⁴ Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

Ermiyaas 13:14 Referans Kwoze

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 6:21

YALLI tohuk gexxaamah iyyaamah: «Ama mara aydafoofoleyyo; xaylooy, xaleenaay, kataysis kee cuggaane keenik bayseyyo» 'yaanam iyya.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Yacedkel 9:10

Tonna-leemiik tahak wadir keenih maxuwaawa; keenih manacruura. Oson sinaamal baaheenim keenil baaheyyo» yok iyye.

Yacedkel 9:5

Sarrak kaadu taaxige-lica-numuk, «Isin magaalah addak usuk gexinnaan ikke kaa'lih gexaay kulli num qida. Numuh maracmatina; numuh manacruurina.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Yacedkel 7:9

Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.

Yacedkel 7:4

Siinih maracmata. Siinih maxuwaawa. Abten qaybik tan abtoh sin digaaleyyo. YALLA kinniyom tonnal yok aaxigetton, keenik inxic» yok iyye.

Ermiyaas 48:12

Takkay immay qinab kamrih innah, baaxot ken caxu waa mara keenit ruubu waa wakti amaatele. Tahat yabtam yoo YALLA. Luk sugen assamaqiyyi gaba keenik kalele.

Ermiyaas 47:3

Faarisiy yardehiyyak ibi xongolo antaabbele. Faaris-gaariiray xoxobak tamaatek radda xongolo aabbelon. Gaariirah ibih xongolo sinaamal radele. Abbobti xaylo makassaay, baxi abbak, ‹Yi abbaw yoo cat› iyyaamah, abba abeh yan wariggah gurmuddi'nnah soolak raaqele.

Ermiyaas 16:5

«YALLI qagseh yok iyyemii, ‹Sahda elle rookitah table qari maculin. Faxe numih rabah marookitin. Anu ahak wadir a marak inni barkat kaleeh, keenih luk suge kacanuk raaqeeh, keenih maxuwaawa.

2 Aydaad 20:23

Qammon kee Mooyab qaskar Edom qaskarat qeebih gexxa 'teeh bayissa ken heen. Tohuk wadir qeebih tittal ufkunna iyyen. Ibak gibdi qeebi tittat aben.

1 Samuwel 14:16

Saawuluk dacayrih yan maray Benyam baaxok Gibqa deqsita aracal sugehiyya Filistiin-maray kinni'nna waagisay kudahiyya yublen.

Ermiyaas 15:5

YALLI iyyemii, «Yarusalaam marak, aham siinit takke saaku, siinih xuwawtu waytam iyyay? Siinih rookittu waytam iyyay? ‹A marat tekkem macaay› axcuk, dagooh gide kinni way sin essera mara maay geetton?

Hosiqa 2:4

Tet xayloh kaadu maracmata. Ken ina dalweenaay; abta dalwat mawacarriyta. ‹Inni mareytit fan gexeyyooh, lee kee maaqo oson yoh aceelon. Xagar meqe sartanay illi xagor kee *baftak bicseenihiyya oson yoo sariselon. Caxâ xaylok bicsen *zeyti (saliid) kee qinabak bicsen kamri oson yoh aceelon› 'yaanam is isih inteh ten.

Zakariyya 11:6

Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 25:16

Yaaquboonu waan waqdi lagaq axceloonuuh cissit maraaqan. Cissit akah raaqe waanam, anu keenit ruubu waa maray carbi keenit abu waahiyyah sabbata» yok iyye.

Yacedkel 7:3

«Israayil ummatey, sin ellecabo xayih! Abba hayten umaaneh cokmi siinil abeyyooh; liyoh an naqabu yok abletton. Ama qax-umaane le abtoy edde assa 'teenihiyya siinit macaba.